سلمان خان اور رونی اسکریووالا کے درمیان تنازع
سلمان خان کا کہنا ہے کہ فلم 'رادھے' کو تھیٹر میں ریلیز کرنے کا مقصد تھیٹر مالکان کی مالی مدد کرنا ہے۔
‘میں نے پیار کیا’ سے کیریئر کا آغاز کرنے والے بالی ووڈ فلم انڈسٹری کے معروف اداکار سلمان خان اور رونی اسکریووالا کے درمیان ایک نئے تنازعے نے جنم لے لیا ہے۔ سلمان خان نے اپنی فلم ‘رادھے’ کو تھیٹر میں ریلیز کرنے کا اعلان کیا تو رونی اسکویووالا نے اسے مضحکہ خیز قرار دیا ہے۔
سماجی رابطوں کی ویب سائٹ ٹوئٹر پر سلمان خان کی آنے والی فلم ‘رادھے’ سے متعلق ٹوئٹ کرتے ہوئے ‘باکس آفس ورلڈوائڈ’ نے لکھا کہ معروف اداکار اپنی اگلی فلم تھیٹر میں ریلیز کریں گے۔’
#OTTPlatforms Are Ready To Pay A HUGE Amount For #SalmanKhan’s #Radhe & #KabhiEidKabhiDiwali But The Superstar Is NOT Changing His Mind Of Releasing His Films In Theatres!@BeingSalmanKhan #RadheYourMostWantedBhai https://t.co/zHPMKQaW1u pic.twitter.com/l1yF2HaAXv
— Box Office Worldwide (@BOWorldwide) February 20, 2021
انڈین میڈیا کی رپورٹ کے مطابق سلمان خان کی یہ فلم گزشتہ برس مئی میں ریلیز ہونی تھی تاہم کرونا وبا کی وجہ سے فلم کی ریلیز تاخیر کا شکار ہوگئی تھی۔
سلمان خان نے اپنے بیان میں کہا ہے کہ ‘وہ امید کرتے ہیں کہ تھیٹر مالکان فلم دیکھنے کے لیے آنے والوں کے لیے تمام احتیاطی تدابیر اختیار کریں گے تاکہ کرونا کی وباء کو مزید پھیلنے سے روکا جاسکے۔’
یہ بھی پڑھیے
آگاہی پھیلانے کے لیے جنسی تشدد سے متعلق ڈرامے بننے چاہئیں، یشما گل
سلمان خان کے مطابق انہیں افسوس ہے کہ تھیٹر کی جانب واپس آنے میں دیر لگی تاہم اس مشکل وقت میں یہ ایک بڑا فیصلہ ہے۔
اداکار کا کہنا ہے کہ ‘میں تھیٹر مالکان کو درپیش مالی مسائل سمجھتا ہوں اور میں اپنی فلم کو تھیٹر میں ریلیز کر کے ان کی مدد کرنا پسند کروں گا۔’
ادھر انڈیا میں کیبل ٹی وی کو متعارف کرانے والے اور یو ٹی وی سوفٹ ویئر کمیونیکیشن کے بانی رونی اسکریووالا نے سماجی رابطوں کی ویب سائٹ ٹوئٹر پر جاری پیغام میں کہا ہے کہ ‘یہ بہت زیادہ پراسرار سا لگتا ہے کہ ہر کوئی اپنی فلم تھیٹر میں ریلیز کرنے کا کہہ رہا ہے۔ میں سمجھتا ہوں کہ جب تک 30 کروڑ لوگ کرونا سے بچاؤ کی ویکسین نہیں لگوا لیتے سب کچھ معمول پر نہیں آئے گا۔’
Funny(Hysterical) that everyone announcing Movie release dates like magically all back to normal! FOMO in announcements and theoretical discussions on ‘clashes’😊! personally cant see till 300Mill vaccinated that it’s really safe to ‘GoToTheMovies’-no such thing as #HerdImmunity
— Ronnie Screwvala (@RonnieScrewvala) February 21, 2021
ایک ٹوئٹر صارف نے رونی اسکریووالا کے ٹوئٹ پر ردعمل دیتے ہوئے لکھا کہ ‘انڈین فلم اور شوبز انڈسٹری سے تقریباً 4 لاکھ لوگ وابستہ ہیں جو یہاں سے اپنے خاندانوں کے لیے روزی روٹی کما کر لے جاتے ہیں، برائے مہربانی آپ کچھ بڑا سوچیں۔’
I hope you realise that the exhibition sector employs over 4 lakh Indians directly & millions of others indirect. Many of these people are the sole bread earners in their families. Is protecting their livelihood not important enough? Please think of the bigger picture. 🙏
— Akshaye Rathi / अक्षय राठी (@akshayerathi) February 22, 2021
