کراچی میں فیشن پاکستان ویک کا میلہ سج گیا

فیشن شو میں کنزہ ہاشمی، صنم جھنگ اور ثروت گیلانی سمیت مختلف اداکاراؤں نے ماڈلنگ کی۔

لاہور کے برائیڈل کوٹیئر ویک کے بعد کراچی میں ‘فیشن پاکستان ویک’ کا انعقاد کیا گیا۔ معروف اداکاراؤں کی شرکت نے فیشن شو کو چار چاند لگا دیے۔

پاکستان کی فیشن انڈسٹری کی رونقیں واپس آنے لگی ہیں اور برائیڈل کوٹیئر ویک کے بعد فیشن پاکستان ویک کا میلہ سجایا گیا۔ کراچی کے ‘دی سیکریٹ گارڈن’ میں منعقدہ فیشن میلے میں مختلف فیشن ڈیزائنرز نے اپنے ملبوسات نمائش کے لیے پیش کیے۔

فیشن شو کے لیے 14 ڈیزائنرز نے موسم بہار اور موسم گرما کی مناسبت سے عروسی ملبوسات تیار کیے تھے۔

کرونا ایس او پیز کے باعث فیشن میلے میں کم مہمانوں کو مدعو کیا گیا تھا جبکہ سماجی فاصلے کا بھی خیال رکھا گیا تھا۔

اداکارہ صنم جھنگ نے ریمپ پر جلوے بکھیرے۔

معروف ماڈل و اداکارہ نادیہ حسین بھی فیشن پاکستان ویک کا حصہ بنیں۔

اداکارہ کنزہ ہاشمی نے ڈیزائنر ثناء عباس کے کلیکشن ‘گلناز’ کا لباس زیب تب کیا۔

یہ بھی پڑھیے

برائیڈل کوٹیئر ویک کرونا کے بعد پہلا بڑا فیشن شو

اداکارہ ثروت گیلانی نے معروف فیشن ڈیزائنر ماہین خان کے تیار کردہ جوڑے کی نمائش کی۔

 

View this post on Instagram

 

A post shared by Churail Sarwat (@sarwatg)

دو روزہ فیشن میلہ تمام تر رعنائیاں بکھیر کر 21 فروری کو اختتام کو پہنچ گیا۔

Facebook Comments Box