اجے دیوگن کا شادی کی 22ویں سالگرہ پر کاجول کو انوکھا تحفہ
اجے دیوگن نے شادی کی سالگرہ کی مناسبت سے خاص طور پر بنوائی گئی وائین کی بوتل کی تصویر بھی شئیر کی ہے۔
سنہ 1999 میں رشتہ ازدواج میں منسلک ہونے والے بالی ووڈ کے مشہور اداکار اجے دیوگن اور اداکارہ کاجول نے 24 فری کو اپنی شادی کی 22ویں سالگرہ منائی اور اِس موقع پر کاجول کو ایک انوکھا تحفہ دیا۔
اداکارہ کاجول نے سماجی رابطوں کی ویب سائٹ ٹوئٹر پر اپنے شوہر کو شادی کے 22 سال مکمل ہونے پرمبارکباد دی ہے۔ اداکارہ نے اپنی اور اجے دیوگن کی پرانی تصویر شئیر کی ہے۔
“And you sir, you’re very attractive. Therefore, I will stare at you!”
– Anonymous & Me@ajaydevgn#22years #stillgoing #grateful #laughingalways pic.twitter.com/ZCwUeofdC2— Kajol (@itsKajolD) February 24, 2021
جس کے بعد اجے دیوگن نے شادی کی سالگرہ کی مناسبت سے خاص طور پر بنوائی گئی وائین کی بوتل کی تصویر شئیر کی۔ بوتل پر اجے دیوگن اور کاجول کی تصویر موجود ہے جس پر ‘بوٹلڈ اِن 1999 اونلی ایڈیشن’ لکھا گیا ہے۔
@itsKajolD pic.twitter.com/83t7eJFnyS
— Ajay Devgn (@ajaydevgn) February 24, 2021
کاجول اور اجے دیوگن کو کئی مشہور شخصیات نے ان کی شادی کی سالگرہ پر مبارکباد دی ہے جس پر اداکارہ نے ان کا شکریہ بھی ادا کیا ہے۔
Thank you, lots of love to the both of you https://t.co/u7SESgUDAN
— Kajol (@itsKajolD) February 24, 2021
Thank u so much❤️ https://t.co/CfXC2ZCyCN
— Kajol (@itsKajolD) February 25, 2021
کاجول اور اجے دیوگن کی پہلی ملاقات 1995 میں فلم ‘غندہ راج’ کے سیٹ پر ہوئی تھی۔ پہلی ملاقات کے 4 سال بعد اجے دیوگن اور کاجول نے شادی کرلی تھی جن کے دو بچے ہیں۔ بیٹی کا نام نیسہ دیوگن اور بیٹے کا نام یوگ دیوگن ہے۔
کاجول نے اپنی فلمی کیریئر کا آغاز 1992 میں فلم ‘بے خودی’ سے کیا تھا لیکن انہیں شہرت دوسری فلم ‘بازی گر’ سے حاصل ہوئی تھی۔ کاجول نے مشہور فلموں میں کام کیا جن میں ‘دل والے دلہنیا لے جائیں گے’ اور ‘کچھ کچھ ہوتا ہے’ بھی شامل ہیں۔
کاجول کو 6 فلم فیئر ایوارڈز مل چکے ہیں جن میں 5 ایوارڈز بہترین اداکاری کرنے پر جبکہ 1 ‘گپتا’ فلم میں منفی کردار کی وجہ سے ملا ہے۔
یہ بھی پڑھیے
فلم “دل والے دلہنیا لے جائیں گے” کی سلور جوبلی
انڈیا کی حکومت نے 2011 میں فنون کے شعبے میں شراکت کے لیے کاجول کو ‘چوتھے انڈین سول ایوارڈ پدما شری’ سے نوازا تھا۔
جبکہ اجے دیوگن نے اپنے فلمی کرئیر کا آغاز 1991 میں ‘پھول اور کانٹے’ سے کیا۔ انہیں اپنی پہلی فلم کی وجہ سے فلم فیئر ایوارڈ میں بیسٹ ڈیبیو ایوارڈ سے نوازا گیا تھا۔
اجے دیوگن نے 1999 میں ‘ہم دل دے چکے صنم’ میں بھی کردار ادا کیا تھا جسے بہت شہرت حاصل ہوئی تھی۔ 2000 میں اجے دیوگن نے اپنی پہلی ہوم پروڈکشن فلم ‘راجو چاچا’ بنائی جو عوام میں بہت مقبول ہوئی تھی۔
