یمنیٰ زیدی اور وقار ذکاء کا پاکستانی فٹبال ٹیم کا دفاع
فیفا کی پابندیوں کی صورت میں پاکستان بین الاقوامی سطح پر فٹبال نہیں کھیل سکے گا۔
پاکستان فٹبال فیڈریشن (پی ایف ایف) کو فٹبال کے عالمی ادارے فیڈریشن آف انٹرنیشنل فٹبال ایسوسی ایشنز (فیفا) نے بدھ کے روز پابندی کا آخری انتباہ جاری کیا تھا جس کے بعد پاکستانی اداکارہ یمنیٰ زیدی اور ریئلٹی شوز کے مشہور میزبان وقار ذکاء نے پاکستان کی مردوں اور خواتین کی فٹبال ٹیمز کے حق میں سوشل میڈیا پر آواز اٹھائی ہے۔
پاکستانی اداکارہ یمنیٰ زیدی نے اپنی انسٹاگرام کی اسٹوری پر لکھا کہ ’کھیل ہمارے معاشرے کو تندرست رکھتا ہے اور میں درخواست کرتی ہوں کہ ان معاملات کو جلد سے جلد حل کیا جائے۔‘
ادھر ٹی وی شو کے معروف میزبان وقار ذکاء نے وزیر اعظم پاکستان عمران خان سے اس معاملے پر نوٹس لینے کی درخواست کی ہے۔
Football team will be banned from FIFA due to political war , @ImranKhanPTI please take notice
— Waqar Zaka (@ZakaWaqar) March 31, 2021
یہ بھی پڑھیے
کیا فیفا پاکستان فٹبال فیڈریشن پر پابندی لگا دے گی؟
پاکستان کی خواتین کی فٹبال ٹیم کی کپتان حاجرہ خان نے ٹوئٹر پر جاری ویڈیو پیغام میں کہا ہے کہ ’فیفا کی پابندیوں کے بعد پاکستان بین الاقوامی سطح پر فٹبال نہیں کھیل سکے گا۔ کھیل کو عزت دیں اور کھلاڑیوں کو بھی عزت دیں۔‘
RESPECT THE GAME
RESPECT THE PLAYERS
✊🏽🇵🇰⚽️#saveusfromFIFAban #footballPakistan #FIFABan pic.twitter.com/A9eugKcvnj— Hajra Khan (@hajrakn) March 31, 2021
پاکستان فٹبال ٹیم کے کپتان کلیم الله خان نے اس معاملے پر حکومتی خاموشی پر مایوسی کا اظہار کیا ہے۔
No one care about Football in Pak
Our government is always sleeping when it comes to football. We are the most ignored sport community in Pakistan. 💔
— Kaleemullah Khan (@Kaleemullah_10) March 31, 2021
I feel bad for myself that I live in a country whose Prime Minister is a sportsman doesn’t even care about sports. If ICC banned Pakistan this news would be everywhere.💔
— Kaleemullah Khan (@Kaleemullah_10) March 31, 2021
پاکستان میں کھیلوں سے متعلق خبریں دینے والے ’کھیل شیل‘ نامی ٹوئٹر اکاؤنٹ نے کلیم الله خان کا ویڈیو پیغام شیئر کیا ہے۔ ویڈیو میں انہوں نے کہا ہے کہ ’ان حالات سے پاکستان فٹبال کو کافی نقصان پہنچے گا اور سب سے زیادہ نقصان کھلاڑیوں کا ہے۔‘
Pakistan Football captain @Kaleemullah_10 requests Syed Ashfaq Hussain to hand over the federation to normalisation committee otherwise FIFA will ban @PakistanFF.#Football | #Pakistan | #Karachi | #Kaleemullah | #FIFA pic.twitter.com/IM6084XtZG
— Khel Shel (@khelshel) March 31, 2021
پاکستان فٹبال ٹیم فیفا کے انتباہ کے بعد کافی پریشان ہے اور ملک کی دو مشہور شخصیات یمنیٰ زیدی اور وقار ذکاء نے بھی ان معاملات کو جلد حل کرنے کی گزارش کی ہے۔
