سری لنکا کے مقابلہ حسن میں ‘ملکہ’ سے تاج چھین لیا گیا

سری لنکا کے مقابلہ حسن میں اسٹیج پر لڑائی ہوگئی۔ فاتح خاتون کے سر سے تاج چھین لیا گیا۔ 2019 کی فاتح کیرولین جیوری نے لائیور شو کے دوران پشپیکا ڈی سلوا کا تاج یہ کہہ کر اتار دیا کہ وہ طلاق یافتہ ہیں اور قواعد کے مطابق مسز سری لنکا نہیں بن سکتی ہیں۔

مسز سری لنکا 2021 کے مقابلے کی اختتامی تقریب دنیا بھر کے میڈیا اور سوشل میڈیا پر چھاگئی۔ سرکاری ٹی وی چینل پر نشر کی جانے والی تقریب میں 2019 کی فاتح کیرولین جیوری نے پشپیکا ڈی سلوا کو ‘مسز سری لنکا’ کا تاج پہنایا۔ ابھی فاتح خاتون خود کو دیئے جانے والے اعزاز کی ٹھیک طرح خوشی بھی محسوس نہیں کرپائی تھیں کہ کیرولین نے دوبارہ اسٹیج پر آکر انتظامیہ کو مقابلے میں مسز سری لنکا کے شادی شدہ ہونے کا قانون دلایا اور دعویٰ کیا کہ ڈی سلوا کی طلاق ہوگئی ہے لہذا وہ اس اعزاز کی حقدار نہیں ہیں۔

Sri Lanka’da düzenlenen bir güzellik yarışmasında birincilik ödülünü kazanan Pushpika De Silva sahnede yaşanan arbedede başından yaralandı. pic.twitter.com/kQGpTIAv9r

— HÜSEYİN AVNİ KEMAL (@Hak2861) April 6, 2021

یہ بھی پڑھیے

ہدیٰ بیوٹی کی سربراہ فوٹو فلٹرز کی مخالف

اس اعلان کے بعد کیرولین، پشپیکا کے پاس گئیں اور نہایت بدتمیزی کے ساتھ ان کے سر سے تاج اتار کر دوسرے نمبر پر آنے والی خاتون کے سر پر سجا دیا۔ اس ذلت پر پشپیکا آبدیدہ ہو کر اسٹیج سے چلی گئیں۔

بعدازاں سماجی رابطوں کی ویب سائٹ ٹوئٹر پر پشپیکا نے بتایا کہ وہ اپنے شوہر سے الگ ضرور ہوگئی ہیں لیکن وہ طلاق یافتہ نہیں ہیں۔ منتظمین نے جانچ پڑتال کی تو ان کے بیان کی سچائی سامنے آگئی۔ انتظامیہ نے پشپیکا سے معافی مانگی اور انہیں تاج واپس کردیا گیا۔

واضح رہے کہ اس سے پہلے پشپیکا نے جارحانہ انداز میں تاج اتارے جانے پر سر پر چوٹ لگنے کا دعویٰ کیا تھا اور کہا تھا کہ وہ بدسلوکی کے خلاف قانونی چارہ جوئی کریں گی۔