ابھیشیک بچن کو کامیاب کاروباری شخصیت کا کردار راس آگیا

 فلم ’گروو‘ میں کامیاب کاروباری شخصیت کا کردار نبھانے والے ابھیشیک بچن ایک مرتبہ پھر نئی فلم دی بگ بل میں اسی قسم کے کردار میں نظر آرہے ہیں۔ مداح بھی انہیں اس روپ میں دیکھنا پسند کرتے ہیں جس کی وجہ سے فلم مقبول ہوجاتی ہے۔

بالی ووڈ اداکار ابھیشیک بچن جب بھی فلموں میں کامیاب کاروباری شخصیت کا کردار نبھاتے ہیں تو فلم بھی کامیاب ہوجاتی ہے۔ شاید یہی کردار ان کی کامیابی کا فارمولا بن چکا ہے۔ گذشتہ روز بالی ووڈ اداکار ابھیشیک بچن کی نئی فلم دی بگ بل ریلیز کی گئی۔ فلم میں انہوں نے ہیمنتھ شاہ کا کردار نبھایا ہے جوکہ ایک کامیاب کاروباری شخصیت ہے۔

The Big Bull.
Now filming. @ajaydevgn @anandpandit63 @KumarMangat @KookievGulati ​#TheBigBull pic.twitter.com/eeB2Xy28lO

— Abhishek Bachchan (@juniorbachchan) September 17, 2019

یہ بھی پڑھیے

ہالی ووڈ فلم دی انٹرن کے بالی ووڈ ری میک کی تیاری

بلاشبہ ابھیشیک نے اپنی جاندار پرفارمنس سے اس کردار میں رنگ بھردیا ہے۔ سوشل میڈیا پر شائقین کی بڑی تعداد کی جانب سے ان کی اداکاری کے گن گائے جارہے ہیں۔ سماجی رابطوں کی ویب سائٹ ٹوئٹر پر صارفین نے فلم کے کلپس شیئر کرتے ہوئے ان کی تعریف کی۔ کسی نے لکھا کہ ابھیشیک بچن نے دل جیت لیا۔

Breathtaking performance by all actors. @juniorbachchan you stole my heart. Fantastic narrative with a shocking revelation at the end. Congratulations to the entire team of #TheBigBull.#TheBigBullWatchParty @DisneyplusHSVIP @ajaydevgn @Ileana_Official @nikifyinglife @s0humshah pic.twitter.com/HmOGiXU4Rk

— Vijay Darda (@vijayjdarda) April 8, 2021

ایک صارف نے لکھا کہ ابھیشیک بچن نے جو کردار نبھایا ہے وہ طویل عرصے تک یاد رہے گا۔

@juniorbachchan has outdone himself as Hemant Shah .. this one is to be remembered for ages #TheBigBull pic.twitter.com/wFK6s0Y4zM

— Noorjah khan 🌸 (@NoorJha7867655) April 8, 2021

بالی ووڈ بگ بی کے صاحبزادے نے اس سے پہلے 2007 میں فلم گروو میں بھی ایک کامیاب کاروباری شخصیت کا کردار ادا کیا تھا۔ فلم میں ان کی اداکاری کی ہر کسی نے داد دی تھی۔ گروو نے اس وقت کامیابی کے جھنڈے گاڑ دیئے تھے۔ اب 13 سال بعد انہوں نے گروو سے ملتا جلتا کردار ادا کیا جسے بے حد پذیرائی مل رہی ہے۔