منشا پاشا اور جبران ناصر کی منفرد شادی
معروف جوڑے کی نکاح کی تقریب میں صرف 20 سے 25 مہمانوں نے شرکت کی۔
پاکستان کی معروف اداکارہ منشا پاشا اور نامور سماجی کارکن جبران ناصر رشتہ ازدواج سے منسلک ہوگئے۔ شادی کی تقریب میں کرونا ایس او پیز پر سختی سے عمل درآمد کیا گیا۔ جوڑے کا نکاح بذریعہ ویڈیو کانفرنس معروف پاکستانی اسکالر جاوید احمد غامدی نے پڑھایا۔
منشا پاشا اور جبران ناصر انتہائی سادگی سے شادی کے بندھن میں بندھ گئے۔ غیر روایتی انداز کی شادی میں اداکارہ کی رخصتی بھی رسموں کے تحت نہیں ہوئی کیونکہ نکاح کی تقریب جبران ناصر کے گھر پر ہی منعقد کی گئی تھی۔ شادی قریبی رشتے داروں کی موجودگی میں کرونا ایس او پیز پر سختی سے عمل درآمد کرتے ہوئے ہوئی جس میں صرف 20 سے 25 مہمانوں نے شرکت کی۔
جبران ناصر اور منشا پاشا نے شادی کی تصاویر سوشل میڈیا پر شیئر کیں جوکہ کچھ ہی دیر میں وائرل ہوگئیں۔
View this post on Instagram
یہ بھی پڑھیے
منشا پاشا ہیرا منڈی پر بننے والی فلم پر پاکستانی معاشرے سے ناراض
اداکار زاہد احمد اور عائشہ خان سمیت مختلف شوبر شخصیات نے فوٹو شیئرنگ ایپ انسٹاگرام پر جوڑے کو شادی کی مبارکباد دی۔
View this post on Instagram
معروف جوڑے نے سادگی سے شادی کرکے معاشرے کو یہ ترغیب دی ہے کہ وہ بھی کرونا وبا کے پھیلاؤ پر سنجیدگی ظاہر کریں اور ایس او پیز پر عمل کریں۔
اس شادی کی ایک اور اہم بات یہ تھی کہ منشا پاشا اور جبران ناصر کا نکاح بذریعہ ویڈیو کال جاوید احمد غامدی صاحب نے پڑھایا جو کہ ملائشیا میں مقیم ہیں۔ جبران ناصر اور منشا پاشا نے نکاح پڑھانے پر جاوید احمد غامدی کا سوشل میڈیا پر خصوصی طور پر شکریہ ادا کیا۔
We got married yesterday Alhumdulillah in presence of our immediate families. Will hopefully celebrate with friends & family at large post pandemic. Thank you to @JavedGhamidi sb for graciously solemnizing our Nikah & thank you all for the love & wishes you’ve always sent our way pic.twitter.com/HNgBAzo0Kf
— M. Jibran Nasir (@MJibranNasir) April 11, 2021
واضح رہے کہ پاکستان میں لوگوں کی ایک بڑی تعداد غامدی صاحب کے نظریات سے اختلاف رکھتی ہے۔ اس وجہ سے پاکستان میں کئی افراد انہیں ناپسند کرتے ہیں۔
