بشریٰ انصاری اور زارا نور عباس مداحوں کی مشکور
اداکارہ کے مطابق ہمیں وباء کی سنجیدگی کا اندازہ اس وقت ہوتا ہے جب ہمارا کوئی اپنا گھر سے چلا جاتا ہے۔
پاکستان کی معروف اداکارہ بشریٰ انصاری نے اپنی بہن اور زارا نور عباس نے اپنی خالہ سنبل شاہد کے انتقال کے بعد اب سوشل میڈیا پر پیغامات شیئر کیے ہیں۔ فوٹو شیئرنگ ایپ انسٹاگرام پر دونوں فنکاراؤں نے مداحوں کی دعاؤں کا شکریہ ادا کیا ہے۔
کرونا کے باعث زندگی کی بازی ہار جانے والی اداکارہ سنبل شاہد بشریٰ انصاری کی بہن اور زارا نور کی خالہ تھیں۔ کئی دنوں تک وینٹی لیٹر پر رہنے کے بعد اداکارہ 6 مئی کو جہانِ فانی سے کوچ کرگئیں۔ اس دھچکے کے بعد زارا نور عباس اور بشریٰ انصاری نے سوشل میڈیا سے دوری اختیار کرلی تھی لیکن اب دونوں نے مداحوں کے نام پیغامات شیئر کیے ہیں۔
بشریٰ انصاری نے انسٹاگرام پر جاری ویڈیو پیغام میں کہا کہ کرونا سے متعلق ہم سب کچھ نہ کچھ سنتے رہتے ہیں لیکن وباء کی سنجیدگی کا اندازہ اس وقت ہوتا ہے جب آپ کا کوئی پیارا تکلیف سے دنیا چھوڑ کر چلا جاتا ہے۔ بشریٰ انصاری نے کہا کہ وہ ان تمام مداحوں کا شکریہ ادا کرنا چاہتی ہیں جنہوں نے اس مشکل گھڑی میں ان کے غم کو شدت کے ساتھ بانٹنے کی کوشش کی۔
View this post on Instagram
یہ بھی پڑھیے
شہزین راحت نے زارا نور عباس کو لاجواب کردیا
دوسری جانب زارا نور عباس بھی اپنی انسٹاگرام پوسٹ میں صارفین کی مشکور دکھائی دیں۔ اداکارہ نے لکھا کہ وہ کچھ دنوں سے اچھا محسوس نہیں کررہی تھیں۔ زارا عباس نے انڈین اداکار راج کپور کے گانے ’جینا اسی کا نام ہے‘ کے کچھ بول شیئر کرتے ہوئے انہیں مداحوں کے نام کیا ہے۔ اداکارہ نے مشکل وقت میں مداحوں کی دعاؤں اور پیار بھرے پیغامات کا شکریہ ادا کیا۔
View this post on Instagram
