فواد خان ہالی ووڈ کے سپرہیرو؟

پاکستان کے معروف اداکار فواد خان ہالی ووڈ میں قدم رکھنے والے ہیں۔ اداکارہ ثمینہ احمد اور نمرہ بچہ کے بعد فواد خان بھی ہالی ووڈ کی سپر ہیرو فلم ’مس مارول‘ کا حصہ بن گئے ہیں۔

پاکستان کے نامور اداکار ہالی ووڈ کے بڑے پردے پر ایک ساتھ نظر آنے والے ہیں۔ سائنس فکشن سپر ہیرو فلمز بنانے والے ادارے ماورل اسٹوڈیوز کی پہلی مسلم سپر ہیرو وومن سیریز ’مس مارول‘ میں اداکارہ ثمینہ احمد اور نمرہ بچہ کے بعد فواد خان بھی شامل ہوگئے ہیں۔ فواد خان فلم میں حسن نامی لڑکے کا کردار ادا کریں گے۔ برطانوی نشریات ادارے بی بی سی کے نامہ نگار ہارون راشد نے اس حوالے سے سماجی رابطوں کی ویب سائٹ پر ٹوئٹ بھی کیا۔

Wow! Fawad Khan set to appear in Ms Marvel – the Disney+ series about Marvel’s first titular Muslim character. He’s listed on the show’s official IMDB page. Farhan Akhtar, Nimra Bucha and Samina Ahmad are reportedly part of the cast too. Marvel yet to comment. Amazing if true! pic.twitter.com/FFdvBHXRGO

— Haroon Rashid (@iHaroonRashid) June 4, 2021

یہ بھی پڑھیے

ثمینہ احمد ہالی ووڈ میں قدم رکھنے کو تیار

فواد خان کی اس بڑے پروجیکٹ میں شمولیت کی خبر جنگل میں آگ کی طرح پھیل گئی ہے ۔

Brace yourself, Hollywood! 🔥🔥🔥#FawadKhan #MsMarvel pic.twitter.com/UqXEVkDEk9

— Hasnaa ~ حسناء (@HASNAAmoon) June 4, 2021

فواد خان کا نام ٹوئٹر ٹاپ ٹرینڈ میں جگمگارہا ہے۔

سپر ہیرو سیریز کے 4 ہدایتکاروں میں پاکستانی ہدایتکار شرمین عبید چنائے بھی شامل ہیں۔ پروجیکٹ میں انڈیا سے اداکار فرحان اختر کو کاسٹ کیا گیا ہے جو کہ کراچی سے تعلق رکھنے والے نوجوان کے روپ میں نظر آئیں گے۔

واضح رہے کہ مس مارول کا مرکزی کردار ایک مسلم سپر ہیرو لڑکی کمالہ خان کا ہے۔ اس کردار کو پاکستانی نژاد امریکی ایمان ویلانی ادا کریں گی۔