ہالی ووڈ فلمز میں مسلمانوں کی نمائندگی کے لیے رز احمد سرگرم

پاکستانی نژاد برطانوی اداکار رز احمد مغرب میں مسلمانوں کے برے تاثر کو ختم کرنے کے لیے کوشاں ہیں۔ رز احمد نے مسلمان فلم میکرز کے لیے 25 ہزار ڈالرز کی فیلوشپ کا اعلان کردیا ہے۔

رز احمد نے شکاگو سے تعلق رکھنے والے گروپ پلرفنڈ اور فورڈ فاؤنڈیشن کے اشتراک سے مسلمان فلم میکرز کے لیے 25 ہزار ڈالرز کی فیلوشپ کا اعلان کیا ہے۔ رز احمد نے سماجی رابطوں کی ویب سائٹ ٹوئٹر جاری ویڈیو پیغام میں بتایا کہ مغرب میں بننے والی فلمز میں مسلمانوں کی منفی اور پرتشدد عکاسی کی جاتی ہے۔

I’m fed up of seeing Muslim characters on screen either negative or non existent. The industry must change. Our new study proves what many of us always felt about #MuslimsInFilm. The cost is measured in hate & lost lives. Full speech here: https://t.co/bsfpQw4Wfe pic.twitter.com/2itt6IaESB

— Riz Ahmed (@rizwanahmed) June 10, 2021

یہ بھی پڑھیے

رز احمد نے اہلیہ کے بال سنوار کر میلہ لوٹ لیا

رز احمد نے اپنی ٹوئٹ میں پلرفنڈ اور فورڈ فاؤنڈیشن کی ایک تحقیق کے اعداد و شمار بیان کیے ہیں۔ حیران کن طور پر سال 2017 سے 2019 کے درمیان مغرب میں بنائی جانے والی 200 فلمز میں سے 181 میں کوئی مسلمان کردار موجود نہیں تھا۔ 8 ہزار 965 اہم کرداروں میں سے مسلمانوں نے صرف ایک اعشاریہ 6 فیصد ادا کیے۔

These stats are crazy. When it comes to #MuslimsInFilm we are either invisible or villains. So we assembled the #MuslimAvengers to try fix this. Will the industry now step up? https://t.co/94ZotOHk0S

— Riz Ahmed (@rizwanahmed) June 10, 2021

پِلر آرٹسٹ فیلوشپ ایڈوائزری بورڈ میں خدمات انجام دینے والے ارکان میں رز احمد کے علاوہ فلم انڈسٹری سے تعلق رکھنے والے 9 ارکان بھی شامل ہیں۔ فیلو شپس حاصل کرنے والے افراد کو ان تمام لوگوں کی سرپرستی حاصل رہے گی۔

واضح رہے کہ 38 سالہ رز احمد وہ پہلے مسلمان اداکار ہیں جنہیں فلم ساؤنڈ آف میٹل میں اداکاری کے جوہر دکھانے پر آسکر ایوارڈ کے لیے نامزد کیا گیا تھا۔