قومی اسمبلی میں ہنگامہ آرائی پر شوبز ستارے برہم
پاکستانی صحافیوں نے بھی ایوان میں ہنگامہ آرائی اور اراکین کے رویے پر برہمی کا اظہار کیا ہے۔
پاکستان کے شوبز ستارے سماجی مسائل کے بعد اب سیاسی معاملات پر بھی اپنی رائے کا اظہار کرنے لگے ہیں۔ دو روز قبل قومی اسمبلی میں ہونے والی ہنگامہ آرائی پر گلوکار علی ظفر، اداکارہ مریم نفیس، مصنف خلیل الرحمٰن قمر اور کرکٹر شاہد آفریدی نے برہمی کا اظہار کیا ہے۔
سماجی رابطوں کی ویب سائٹ ٹوئٹر پر گلوکار علی ظفر نے لکھا کہ ’پارلیمنٹ عوام کی نمائندگی کرتی ہے۔‘
جبکہ اداکارہ مریم نفیس نے انسٹاگرام اسٹوری میں لکھا کہ ’پارلیمنٹ میں جو دستاویز پھینکے جارہے تھے ان میں پاکستان لکھا ہوا تھا۔ ہم جانوروں سے بھی بدتر ہیں کیونکہ ہم قائد اعظم کے دیئے ہوئے تحفے کو برباد کررہے ہیں۔‘
View this post on Instagram
یہ بھی پڑھیے
معروف مصنف خلیل الرحمٰن قمر نے ٹوئٹر پر لکھا کہ ’حکومت اور اپوزیشن کے اراکین قومی اسمبلی مجرموں اور دہشتگردوں کی طرح لڑے تھے۔ ان سب کو گرفتار کیا جائے اور جرمانہ عائد کیا جائے۔‘
The attack in parliament by #PTI and #PMLN MNAs who fought like criminals and terrorists. The must be arrested and penalisd by ATCs.#اخلاقیات_اورقومی_اسمبلی pic.twitter.com/6JrqyQtKUN
— Khalil Ur Rehman Qamar (@KRQ_Official) June 15, 2021
پاکستانی کرکٹر شاہد آفریدی نے لکھا کہ ’جو بدتمیزی اسمبلی میں کی گئی اور غلط زبان اور الفاظ استعمال کیے گئے ان سب کو دیکھ کر سر شرم سے جھک گیا ہے۔ یہ ہیں ہمارے حکمران اور نمائندے؟ یہ لوگ ایک دوسرے سے تمیز سے بات نہیں کر سکتے تو ہماری نمائندگی اور ملک کی ترقی کے لیے کیا کام کریں گے، ہوش کے ناخن لیں۔‘
جو طوفان بدتمیزی آج برپا کیا گیا اسمبلی میں اور غلیظ زبان اور الفاظ استعمال کئے گئے اس سب کو دیکھ کر سر شرم سے جھک گیا ہے۔ یہ ہیں ہمارے حکمران اور نمائندے؟ یہ لوگ تو تمیز سے بات نہیں کر سکتے ایک دوسرے سے، ہماری نمائندگی اور ملک کی ترقی کے لیے کیا کام کریں گے۔ ہوش کے ناخن لیں۔
— Shahid Afridi (@SAfridiOfficial) June 15, 2021
پاکستانی صحافیوں نے بھی قومی اسمبلی میں ہونے والی ہنگامہ آرائی اور اراکین کے رویے پر برہمی کا اظہار کیا ہے۔
Olympic Level Athletes! pic.twitter.com/aLDSX4xOju
— Maria Memon (@Maria_Memon) June 15, 2021
The Security Personnel of the National Assembly win today. 👮♂️👮🏽♂️👮🏾♂️
They were the most Sane and Well Mannered out of the entire lot present in NA today. #Parliament #Pakistan #assembly #Budget2021 #BudgetSession pic.twitter.com/lR6dixSDvj
— Aniqa Nisar (@AniqaNisar) June 15, 2021
واضح رہے کہ منگل کے روز قومی اسمبلی کے اجلاس میں قائد حزب اختلاف شہباز شریف کی تقریر کے دوران حکومتی اراکین نے شور شرابا کیا تھا اور اسمبلی میں بجٹ دستاویز اچھالی تھیں۔ شہباز شریف کی تقریر کے دوران حکومتی اراکین اور اپوزیشن کے درمیان بدکلامی بھی ہوئی تھی۔
