نادیہ حسین ملازمہ پر برہم
ویڈیو منظر عام پر آنے کے بعد نادیہ حسین کو تنقید کا سامنا کرنا پڑرہا ہے۔
پاکستانی ماڈل و اداکارہ نادیہ حسین کی گھریلو ملازمہ پر غصہ کرنے کی ویڈیو سوشل میڈیا پر وائرل ہوگئی۔ اداکارہ کو تنقید کا نشانہ بنایا جارہا ہے۔
ملازمہ نے بجلی کا مین سوئچ آف نہیں کیا تھا اور بجلی کے وولٹیج اچانک کم اور زیادہ ہونے سے چیزیں خراب ہوچکی تھیں، جس کی وجہ سے نادیہ حسین ویڈیو میں ملازمہ پر برہم نظر آئیں۔ اداکارہ نے ملازمہ پر برہمی کا اظہار کرتے ہوئے اسے موبائل فون استعمال کرنے کا طعنہ دیا۔
View this post on Instagram
یہ بھی پڑھیے
عاصم اظہر نےمداحوں کی خواہش پوری کردی
ویڈیو منظر عام پر آنے کے بعد نادیہ حسین کو شدید تنقید کا سامنا کرنا پڑرہا ہے لیکن اداکارہ نے اب تک کوئی موقف پیش نہیں کیا ہے۔
سوشل میڈیا صارفین کا کہنا ہے کہ نادیہ حسین کو کوئی حق نہیں کہ وہ کسی بھی ملازمہ پر اس طرح برہم ہوں۔ چند صارفین کا خیال ہے کہ یہ کسی ڈرامے کی شوٹنگ چل رہی ہے حقیقت میں ایسا کچھ بھی نہیں ہے۔
خیال رہے کہ ملک بھر میں شہری کم وولٹیج سے تنگ نظر آتے ہیں، جس کے باعث گھریلو استعمال کی الیکٹرانک اشیاء خراب ہوجاتی ہیں۔
