فلم کھیل کھیل میں کا ٹیزر اور پوسٹر جاری
مداح بلال عباس اور سجل علی کو دوبارہ اسکرین پر ایک ساتھ دیکھنے کے لیے بےچین ہیں۔
![فلم کھیل کھیل میں](https://news360.tv/wp-content/uploads/2021/07/کھیل-کھیل-میں.jpg)
پاکستان کے معروف اداکار بلال عباس اور سجل علی 5 سال بعد ایک دوسرے کے مدمقابل اداکاری کے جوہر دکھائیں گے۔ فلم کھیل کھیل میں کا ٹیزر اور پوسٹر جاری کردیا گیا۔
ایک طویل عرصے کے بعد پاکستان کی فلم انڈسٹری نے آہستہ آہستہ سراٹھانا شروع کیا ہے۔ معروف فلم ساز نبیل قریشی اور فضا علی مرزا نے نئی فلم کھیل کھیل میں پر کام کا آغاز کردیا۔ فلم کا پوسٹر اور ٹیزر جاری کردیا گیا ہے۔
کھیل کھیل میں اداکار بلال عباس اور سجل علی مرکزی کرداروں میں نظر آئیں گے۔ دونوں اداکار 5 سال بعد کسی پروجیکٹ میں ایک ساتھ دکھائی دیں گے۔ اس سے پہلے سجل علی اور بلال عباس ڈرامہ سیریل او رنگ ریزہ میں ساتھ کام کرچکے ہیں۔ دونوں کی جوڑی کو مداحوں نے بےحد پسند کیا تھا۔ اداکار بلال عباس نے سماجی رابطوں کی ویب سائٹ ٹوئٹر پر فلم کا ٹیزر شیئر کیا۔
"If history was taught in the form of stories, it would never be forgotten”
Filmwala Pictures Presents Motion Poster of #KHELKHELMEIN
A FILM BY #NABEELQURESHI
PRODUCED BY #FIZZAALIMEERZA
STARRING #SAJALALY & #BILALABBASKHAN pic.twitter.com/ciX1lk6mdw— Bilal Abbas Khan (@bilalabbas_khan) July 22, 2021
یہ بھی پڑھیے
ہر نئی فلم بنانا نئی جنگ لڑنے کے مترادف ہے، نبیل قریشی
اداکارہ سجل علی نے بھی اپنی نئی فلم کا پوسٹر فوٹو شیئرنگ ایپ انسٹاگرام پر شیئر کیا۔
View this post on Instagram
دونوں فنکاروں کی جانب سے پوسٹ میں لکھا گیا ہے کہ اگر تاریخ کہانیوں کی صورت میں بیان کی جاتی تو اسے کبھی بھلایا نہیں جاسکتا تھا۔ اس تحریر سے تو یہی واضح ہورہا ہے کہ فلم کا موضوع پاکستان کی تاریخ سے متعلق ہے۔ فلم کی دیگر کاسٹ میں اداکار جاوید شیخ، ثمینہ احمد، منظر صحبائی اور مرینہ خان شامل ہیں۔
واضح رہے نبیل قریشی اور فضا علی مرزا اس سے پہلے ایکٹر ان لا، نامعلوم افراد اور لوڈ ویڈنگ جیسی کامیاب فلمیں بناچکے ہیں۔