اوباما اور شاہ جہاں کا موازنہ کرنے پر جاوید اختر پر تنقید

بالی ووڈ کے نامور لکھاری جاوید اختر کی جانب سے امریکا کے سابق صدر باراک اوباما اور مغل بادشاہ شاہ جہاں کا موازنہ کرنے پر ہندو قوم پرست انہیں تنقید کا نشانہ بنا رہے ہیں۔

بھارتی اداکار اور سماجی رکن جاوید اختر کئی دہائیوں سے فلم انڈسٹری سے وابستہ ہیں۔ وہ کئی فلموں کی کہانیاں لکھ چکے ہیں۔ انہیں 5 مرتبہ نیشنل فلم ایوارڈ سے  بھی نوازا گیا ہے۔ اس وقت جاوید اختر کے بیان پر ہندو قوم پرست ان پر سخت نکتہ چینی کررہے ہیں۔ سماجی رابطوں کی ویب سائٹ ٹوئٹر پر جاوید اختر نے امریکی صدر اور مغل بادشاہ کا موازنہ کرتے ہوئے لکھا کہ اوباما کے والد کینیا کے شہری تھے اور ان کے متعدد رشتے دار وہیں مقیم ہیں، اس کے باوجود اوباما امریکا کے انتخابات میں کامیابی حاصل کرکے صدر منتخب ہوگئے۔

Obama ‘s father was a Kenyan his paternal aunts still live in Kenya but since Obama was born in US he had the right to contest the presidential election Shah Jahan was the 5th Gen in India his grand mom n mom were Rajputni ( 75 %blood Rajput) but they call him a foreigner.

— Javed Akhtar (@Javedakhtarjadu) July 26, 2021

یہ بھی پڑھیے

نصیرالدین شاہ کو دلیپ کمار سے شکایت

انہوں نے مزید لکھا کہ مغل بادشاہ شاہ جہاں کی 5 نسلیں بھارت میں ہی رہی ہیں اور ان کا راجپوت گھرانے سے تعلق رہا ہے تو ان کو غیر ملکی کیوں کہا جاتا ہے۔ جاوید اختر کی ٹوئٹ پر ایک صارف نے لکھا کہ ہمیں غیرملکی، پناہ گزین اور حملہ آور میں فرق کرنا ہوگا، آپ کو بیان بازی سے قبل لغت کو دیکھنا چاہیے۔

Someone needs to know the difference between a foreigner, an immigrant, and an invader.
Invest in a dictionary. It helps.

— Ratna Bajpai (@ratna_bajpai) July 26, 2021

ایک اور صارف نے ٹوئٹ پر ردعمل دیتے ہوئے لکھا کہ اوباما جمہوری طریقے سے امریکا کے صدر بنے اسکی نسبت شاہ جہاں اور ان کے آباؤ اجداد نے قبضے اور قتل وغارت کے بعد حکمرانی کی۔ اوباما نے اپنے ملک کو سنوارا جبکہ مغل بادشاہوں نے لوٹ مار کی۔ صارف وویک رانجن نے اپنی ٹوئٹ میں جاوید اخترکو مخاطب ہوتے ہوئے لکھا کہ آپ اوباما اور شاہ جہاں کا غلط موازنہ کررہے ہیں۔ اوباما نے امریکا میں کوئی چرچ نہیں توڑا تھا اور نہ ہی امریکیوں کا تلوار کی نوک پر مذہب تبدیل کیا، اوباما ظالم حکمران نہیں تھا۔

Javed saab, you are wrong here. Obama’s parents or forefathers did not invade USA. Also, if you are equating Obama with Shahjahan, then Obama neither destroyed churches in US nor did he convert Americans to his belief with sword. Obama wasn’t a tyrant. It’s illogical logic. https://t.co/79yfFO94Le

— Vivek Ranjan Agnihotri (@vivekagnihotri) July 26, 2021

جاوید اختر مسلمان خاندان سے تعلق رکھتے ہیں لیکن وہ خود کو دہریہ کہتے ہیں۔ ان کے والد جان نثار اختر بالی ووڈ کے لیے گانے لکھتے تھے جبکہ ان کی والدہ صفیہ اختر بھی گلوکارہ اور لکھاری رہی ہیں۔