یوم دفاع پر علی ظفر کا نیا گانا
معروف گلوکار نے سوشل میڈیا پر نئے گانے کی تصویری جھلک شیئر کردی۔
پاکستان کے معروف گلوکار و اداکار علی ظفر تخلیقی صلاحیتوں سے مالا مال ہیں جنہوں نے ہر اہم موقعے پر گانا جاری کرنا اپنا انداز بنالیا ہے۔ شاید اس یوم دفاع پر بھی علی ظفر گانا ریلیز کرنے والے ہیں۔ سوشل میڈیا پوسٹس میں نئے گانے کی جھلک شیئر کردی۔
علی ظفر کی حالیہ سوشل میڈیا پوسٹس سے یہی ظاہر ہورہا ہے کہ انہوں نے یوم دفاع کی مناسبت سے نیا گانا ”میں اڑا“ تیارکرلیا ہے، جس میں پاک فضائیہ کو خراج تحسین پیش کیاگیا ہے۔
#MeinUra #comingsoon pic.twitter.com/egiB6z9OX6
— Ali Zafar (@AliZafarsays) August 31, 2021
یہ بھی پڑھیے
علی ظفر نے گانے کی ویڈیو کی تصویری جھلکیاں ٹوئٹر اور انسٹاگرام پر جاری کی ہیں۔ تصاویر میں علی ظفر کو ایف 16طیارے کے ساتھ کھڑے دیکھا جاسکتا ہے۔ صارفین نے علی ظفر کی پوسٹ کو پسند کرتے ہوئے ان کے لیے نیک خواہشات کا اظہار کیا ہے۔
View this post on Instagram
گلو کارعلی ظفر نے ہر اہم موقعے پر نغمہ جاری کرنے کو اپنا اندازبنالیا ہے۔ رمضان المبارک میں علی ظفر نے صابری برادران کی قوالی” بلاغل الاب کمالہ“ پیش کی تھی۔
پاکستانی کوہ پیما علی سدپارہ کی ناگہانی موت پر انہوں نے نغمہ”پہاڑوں کی قسم “ پیش کیا تھا۔
مزدوروں کے عالمی دن پر بھی علی ظفر نے گانا پیش کیا تھا۔
پاک چین دوستی سے متعلق علی ظفر کا نغمہ بھی صارفین کو خوب بھایا تھا۔
On the 70th anniversary of the development of diplomatic relationship between #China and #Pakistan, I learnt some Chinese and sang about our friendship.😊#PakChinaFriendship #PakChinaAt70 🇵🇰 🇨🇳 pic.twitter.com/RvDnQUjvmr
— Ali Zafar (@AliZafarsays) May 21, 2021
علی ظفر کا پی ایس ایل کا ترانہ”میلہ لوٹ لیا “ بھی غیرمعمولی مقبولیت حاصل کرنے میں کامیاب ہوا تھا.
