ایک اور رئیلٹی شو کے فاتح کی موت

معروف  انڈین  اداکار سدھارتھ شکلا دل کے دورے کے باعث دنیا  سے  رخصت  ہوگئے۔ رئیلٹی شو بگ باس سیزن 13 کے فاتح کی موت اسپتال  تک پہنچنے سے پہلے ہی ہوگئی تھی۔

سدھارتھ شُکلا کی موت کی خبر  بالی وڈ انڈسٹری  اور  سوشل  میڈیا  پر  جنگل  کی  آگ  کی  طرح  پھیل  گئی۔ بالی  ووڈ فلم ہمپٹی شرما کی دلہنیا سمیت متعدد بھارتی فلموں اور  ڈراموں  میں اداکاری کے جوہر دکھانے  والے سدھارتھ شکلا کی  عمر محض40   سال  تھی۔ سدھارتھ نے خطروں کے کھلاڑی، جھلک دکھلا جا سیزن 6 اور بگ باس کے سیزن 13 میں حصہ لیا اور فاتح قرار پائے۔

Remembering my fav pic @sidharth_shukla love you you shocked us all very depressing news sid #SidNaaz @ishehnaaz_gill hope God gives you courage to bear this loss pic.twitter.com/p299TDdkNR

— Dolly Bindra (@DollyBindra) September 2, 2021

یہ  بھی  پڑھیے

کیا آپ علیزے شاہ اور ناصر خان جان کے درمیان فرق تلاش کرسکتے ہیں؟

یہ  بات  نہایت  حیران  کن  ہے  کہ  نوجوان اور  مشہور بھارتی  فنکاروں  کی  اموات  میں  تیزی  سے  اضافہ  ہوتا  جارہا  ہے۔ کچھ  اداکار ڈپریشن کا  شکار  ہوکر  خودکشی کرلیتے  ہیں  تو  کچھ  بیماری  کے  باعث موت  کو  گلے  لگالیتے  ہیں۔

سال  2006   میں  انڈین  آئڈل  کے  فاتح  گلوکار  سندیپ  آچاریہ  2013   میں  یرقان  کے  باعث  انتقال  کرگئے  تھے۔ ان  کی  عمر  29   سال  تھی۔

سال  2007   میں  امول اسٹار وائس آف انڈیا  کے  فاتح  گلوکار  اشمت  سنگھ  2008   میں  17   سال  کی  عمر  میں  چل  بسے۔  وہ  ہوٹل  کے  سوئمنگ  پول  میں  مردہ  پائے  گئے  تھے۔

بالی  ووڈ  کے  معروف  نوجوان  اداکار  سوشانت  سنگھ  نے14  جون  2020 کو  ڈپریشن  کے  باعث خودکشی کرلی  تھی۔