ماروی سرمد کی وجہ سے انڈسٹری چھوڑنے کا فیصلہ کیا تھا، فیروز خان
فیروز خان نے واضح کیا کہ ان کے خلیل الرحمان قمر سے اختلافات دور ہوچکے ہیں۔
اداکار فیروز خان نے ماضی قریب میں اداکاری چھوڑنے کے فیصلے کی وجہ ماروی سرمد کو قرار دے دیا۔ کہتے ہیں ان کے شیخ نے کبھی اداکاری کرنے سے منع نہیں کیا۔
فیروز خان نے گزشتہ دنوں ویب چینل ناشپاتی پرائم کے مشہور شو ٹو بی اونسٹ میں شرکت کی ۔ میزبان تابش ہاشمی نے سوال کیا کہ کیا آپ نے اداکاری اپنے شیخ کے کہنے پر چھوڑی؟ جس پر فیروز خان نے جواب دیا کہ ان کے شیخ نے کبھی اداکاری سے منع نہیں کیا بلکہ ماروی سرمد کے بیان نے انہیں اپنے فیصلے پر مجبور کیا۔
View this post on Instagram
یہ بھی پڑھیے
زوہیب حسن کو لینے کے دینے پڑگئے
انہوں نے سوچا کہ انہیں کس طرف کھرا ہونا چاہیئے تو انہوں نے اداکاری چھوڑ دی۔ لیکن، بڑے بزرگوں نے سمجھایا کہ انہیں انڈسٹری میں رہتے ہوئے اپنی بات دوسروں تک پہنچانی چاہیئے جس پر انہیں یہ بات سمجھ میں آگئی اور فیصلہ واپس لے لیا۔
View this post on Instagram
ماروی سرمد اور خلیل الرحمان قمر میں سے کس ایک کو منتخب کرنے کے سوال پر فیروز خان نے کہا کہ وہ خلیل الرحمان قمر کو منتخب کریں گے، پورا پاکستان خلیل الرحمان قمر کے ساتھ ہے۔
فیروز خان نے واضح کیا کہ ان کے خلیل الرحمان قمر سے اختلافات دور ہوچکے ہیں اور وہ ان کی بہت عزت کرتے ہیں۔ سوشل میڈیا صارفین نے فیروز خان کے بیان پر ملے جلے ردعمل کا اظہار کیا ہے۔
