ڈرامہ سیریز "صلاح الدین ایوبی” کے لیے پاکستان میں ٹیلنٹ کی تلاش

پاکستان اور ترکی نے عظیم فاتح سلطان صلاح الدین ایوبی کی زندگی پر ایک مشترکہ ٹی وی سیریز بنانے کا معاہدہ کیا ہے، اور اس کے لیے انہوں نے کراچی ، لاہور اور اسلام آباد سے نئے فنکار تلاش کرنے کے لیے آڈیشن لینے کا فیصلہ کیا ہے۔

امن ، انسانیت اور رواداری کے طور پر مشہور فوجی جنرل سلطان صلاح الدین ایوبی نے یروشلم کے مقام پر صلیبیوں کو شکست دی تھی۔

یہ بھی پڑھیے

شام ادریس کی سوشل میڈیا پر شہرت حاصل کرنے کی مذموم کوشش

دنیا بھر کے مسلم اور غیرمسلم مصنفین اور تجزیہ کار صلاح الدین ایوبی کو یکساں طور پر احترام اور محبت کی نظر سے دیکھتےہیں۔

مشترکہ منصوبے پر کام کرنے کے لیے ترکی کی اکلی فلمز اور پاکستان کی انصاری اور شاہ فلمز کے درمیان معاہدہ طے پا گیا ہے تاہم جلد اہم شخصیات بھی ٹیم کا حصہ بن جائیں گی۔

مذکورہ بالا سیریز میں ترکی اور پاکستان کے اداکار کو شامل کیا جائے گا اور اس حوالے سے تشکیل دی گئی ٹیم نے ملک بھر سے ٹیلنٹ کی تلاش کردی ہے۔

اس سلسلے میں ترکی کی اکلی فلمز کی ٹیم نے 28 اکتوبر سے یکم نومبر تک لاہور ، کراچی اور اسلام آباد میں ٹیلنٹ کی تلاش کا اعلان کیا ہے۔

ٹی وی سیریز "سلطان صلاح الدین ایوبی” کی شوٹنگ ترکی میں کی جائے گی، سیریز تین حصوں پر مشتمل ہو گی۔ ابتدائی مرحلے میں ڈرامہ سیریز کو ترکی اور اردو زبانوں میں ڈب کیا جائے گا۔

میڈیا سے گفتگو کرتے ہوئے پرڈیوسر ایمرے کونوک نے کہا کہ اس منصوبے سے ترکی کی ثقافت کو روشناس کرانے اور اقتصادی شعبوں میں خاطر خواہ فائدہ ہو گا۔

مزید یہ کہ اداکار عدنان صدیقی ، ہمایوں سعید ، ڈاکٹر کاشف انصاری اور ڈاکٹر جنید علی شاہ بھی تاریخی ڈرامہ سیریز "صلاح الدین ایوبی” کا حصہ ہوں گے۔

Happy to announce new innings with Akli Film as executive producers along with Humayun Saeed, Dr Kashif Ansari and Dr Junaid Ali Shah for history series on Salahuddin Ayyubi. Hail Pak-Turkey friendship! Long live the two nations! pic.twitter.com/J86REm8UBS

— Adnan Siddiqui (@adnanactor) August 26, 2021

ایک انٹرویو کے دوران اداکار عدنان صدیقی نے اس بات کا انکشاف کیا تھا کہ "ڈرامہ سیریز کا مرکزی خیال قرآن ، تاریخ اور مذہبی ہم آہنگی پر مشتمل ہے۔”