شعیب ملک کا عائشہ عمر کے بعد ہانیہ عامر کے ساتھ فوٹو شوٹ وائرل

کرکٹر شعیب ملک نے دو ہفتے قبل اداکارہ عائشہ عمر کے ساتھ  بولڈ فوٹو شوٹ کروایا تھا جو انٹر نیٹ پر وائرل ہونے کےبعد  صارفین کی جانب سے تنقید کا  نشانہ بنایا بن گیا تھا۔

 

View this post on Instagram

 

A post shared by Hania Aamir 哈尼亚·阿米尔 (@haniaheheofficial)

اداکارہ عائشہ عمر کے بعد کرکٹر شعیب ملک کا فیشن میگزین "ہیلو پاکستان ” کے لئے اداکارہ ہانیہ عامر کے ساتھ  فوٹو شوٹ  انٹر نیٹ پر وائرل ہوگیا ہے ، فیشن میگزین  کے لیے کئے جانے والے فوٹوشوٹ کو میگزین سمیت کرکٹر اور اداکارہ نے بھی سوشل میڈیا پر شیئر کیا ۔

فوٹوشوٹ کی وائرل ہونے والی تصاویر میں کرکٹر شعیب ملک اور اداکارہ  ہانیہ عامر کو فیشن ایبل لباس میں میگزین کے سرورق پر دیکھا جا سکتا ہے۔

 

View this post on Instagram

 

A post shared by HELLO! Pakistan (@hellopakistan)

فیشن میگزین  کی جانب سے کرکٹر اور اداکارہ کی تصاویر شیئر کرتے ہوئے بتایا کہ آئندہ شائع ہونے والے میگزین کے شمارے میں دونوں کا انٹرویو بھی ہوگا اور دونوں کی تصاویر بھی سرورق کی زینت بھی بنے گی۔ کرکٹر شعیب ملک او راداکارہ ہانیہ عامر کو فوٹو شوٹ میں مہذب لباس میں دیکھایا گیا ہے تاہم اس کے باوجود صارفین کی جانب سے کرکٹر شعیب ملک پر تنقید کی گئی  بعض صارفین نے تو نامناسب تبصرے بھی کئے۔

یہ بھی پڑھیے

کرکٹ ٹیم سے مایوس بھارتی تماشائیوں نے شعیب ملک کو دیکھ کر نعرے لگا دئیے

فنکاروں کی تصاویر پر سوشل میڈیا صارفین نالاں

 

View this post on Instagram

 

A post shared by HELLO! Pakistan (@hellopakistan)

اس سے قبل  حال ہی میں کرکٹر شعیب ملک اور اداکارہ عائشہ عمر کا تشہیری فوٹوشوٹ وائرل ہوا تھا جس پر اداکارہ اور کرکٹر پر سخت تنقید بھی کی گئی تھی جبکہ عائشہ عمر پر یہ الزامات بھی لگائے گئے تھے کہ انہوں نے کرکٹر کے ساتھ شادی کرنے کا فیصلہ کیا ہے، ان الزامات پر اداکارہ عائشہ عمر کی جانب سے وضاحت دی تھی کہ ایسا کچھ نہیں اور وہ ایک دوسرے کے بہترین دوست ہیں۔

واضح رہے کہ شعیب ملک نے سات نومبر کو ٹی ٹوئنٹی ورلڈ کپ میں اسکاٹ لینڈ کے خلاف محض 18 گیندوں پر 54 رنز بنا کر ٹی ٹوئنٹی  کی سب سے تیز ترین نصف سینچری اسکور کی تھی جس کے بعد وہ قومی او ربین الاقوامی سطح پر خبروں کی زینت بنے ہوئے ہیں۔