انوشے عباسی اور جویریہ عباسی کی والدہ انتقال کرگئیں
جویریہ عباسی اور اداکارہ انوشے عباسی کی والدہ ناہید عباسی اپنے خالق حقیقی سے جاملیں ۔
پاکستانی ڈرامہ انڈسٹری کی معروف اداکاراؤں جویریہ عباسی اور انوشے عباسی نے اپنے آفیشل سوشل میڈیا اکاؤنٹس سے اپنی والدہ کے انتقال کی خبر دی، نماز جنازہ اور تدفین کی تفصیلات بھی شیئر کیں۔
گذشتہ دو دہائیوں سے پاکستانی ڈرامہ انڈسٹری میں اپنی بہترین اداکاری کے جوہر دیکھانے والی انڈسٹری کی ورسٹائل اور باصلاحیت اداکارہ جویریہ عباسی اور ان کی چھوٹی بہن انوشے عباسی نے گذشتہ روز اپنی والدہ ناہید عباسی کے انتقال کی خبر شیئر۔
یہ بھی پڑھیے
عشنا شاہ ساڑھی کو فروغ دینے لگیں
View this post on Instagram
اداکارہ جویریہ عباسی نے سماجی رابطوں کی ویڈیوز اور فوٹوز شیئرنگ کی بین القوامی شہرت یافتہ ویب سائٹ انسٹاگرام اکاؤنٹ پر اپنی والدہ کی تصویر شئیر کرتے ہوئے لکھا کہ آج میں نے اپنی والدہ کو کھو دیا ہے، لوگوں سے اپیل ہے کہ ان کی مغفرت کیلئے دعائیں کریں۔انوشے عباسی نے بھی اپنے انسٹاگرام ہینڈل پر جا کر یہ افسوسناک خبر اپنے مداحوں کے ساتھ شیئر کی۔ انہوں نے نماز جنازہ اور تدفین سے متعلق تمام تفصیلات بھی فراہم کیں، انھوں نے لکھا کہ یہ غم ناقابل بیان ہے۔
View this post on Instagram
واضح رہے کہ جویریہ عباسی گذشتہ دو دہائیوں سے پاکستانی ڈرامہ انڈسٹری میں اپنی بہترین اداکاری سے اپنے مداحوں میں مسلسل اضافہ کرہی ہیں ، انھوں نے متعدد ماڈلنگ پراجیکٹس کئے اور کئی یادگار ڈرامے ناظرین کودیئے دونوں بہنوں جویریہ عباسی اور انوشے عباسی نے سب سے زیادہ دیکھے جانے والے ڈرامہ سیریز رقصِ بسمل میں ایک ساتھ کام کیا اور شاندار اداکاری کی ۔
