تبصروں کا اختیار عوام کو دیں، فہد مصطفیٰ کی شوبز بلاگرز سے درخواست
فہد مصطفیٰ نے کہا ہے کہ پہلے عوام کو فلم دیکھنے دیں اور پھر ان کو طے کرنے دیں کہ یہ فلم اچھی ہے یا نہیں
پاکستانی شوبز انڈسٹری کے معروف اداکار اور ٹی وی شو کے میزبان فہد مصطفیٰ پاکستانی بلاگرز کو مخاطب کرتے ہوئے کہا ہے کہ اچھے اور برے تبصروں کا اختیار عوام دیں۔ پہلے عوام کو فلم دیکھنے جانے دیں اور پھر ان کو طے کرنے دیں کہ یہ فلم اچھی ہے یا نہیں۔
ایکٹر اِن لاء سمیت متعدد فلموں میں اور ڈراموں میں اداکاری کے جوہر دکھانے والے فہد مصطفیٰ نے سماجی رابطوں کی ویڈیو اور فوٹو شیئرنگ ویب سائٹ انسٹاگرام پر پاکستانی شوبز بلاگر کے نام اپنے پیغام میں کہا کہ میری تمام بلاگرز سے مؤدبانہ گزارش ہے کہ آپ کسی بھی فلم کے حوالےسے اپنی رائے رکھنے کا حق رکھتے ہیں لیکن اچھے اور برے تبصروں کا اختیار عوام دیں۔
یہ بھی پڑھیے
کرکٹ میچ پر فہد مصطفیٰ اور نبیل قریشی کی دلچسپ نوک جھوک
اداکار فہد مصطفیٰ ابھی تک ٹی ٹوئنٹی اسکواڈ سے غیرمطمئن
View this post on Instagram
انھوں نے کہا کہ پہلے عوام کو فلم دیکھنے جانے دیں اور پھر ان کو طے کرنے دیں آپ کے تبصرے چاہے تعریف یا تنقید پر مبنی ہوں بعد میں بھی ہوسکتے ہیں لیکن پہلےلوگوں کو سینما گھر جا کر فلم دیکھنے دیجئے ان کو فیصلہ کرنے دیجئے کہ یہ فلم اچھی ہے یا نہیں، آپ کے وقت سے قبل دیےجانےوالے تبصرے فلم انڈسٹری کی ترقی میں رکاوٹ بن سکتے ہیں اس انڈسٹری کو آپ کی سپورٹ کی ضرورت ہے۔
