فرحان اختر اور شیبانی داندیکر 21 فروری کو کورٹ میرج کریں گے
فرحان اختر اور شیبانی داندیکر 21 فروری کو کورٹ میرج کریں گے، جاوید اختر نے تصدیق کردی
بھارتی فلموں کے معروف اداکار اور پروڈیوسر فرحان اختر 21 فروری کو دوسری بار دُلہا بننے جارہے ہیں ۔
بھارتی میڈیا کے مطابق معروف بھارتی مصنف اور اسکرین رائٹر جاوید اختر نے اپنے بیٹے فرحان اختر کی شادی کی تاریخ طے ہونے کی تصدیق کردی ہے۔
یہ بھی پڑھیے
عشنا شاہ این سی ایچ آر کی سینیٹری ورکرز کیلئے خدمات کی معترف
اداکارہ عائشہ عمر کو ڈرائیور کی جانب سے خوبصورت تحفہ
جاوید اختر نے بھارتی میڈیا کو بتایا کہ فرحان اور گلوکارہ و ماڈل شیبانی داندیکر 21 فروری کو کورٹ میرج کریں گے جس کے بعد ان کی شادی کی تقریب کھنڈالہ کے گھر میں منعقد کی جائے گی جس میں صرف خاندان کے چند لوگ اور قریبی دوست شرکت کریں گے۔
جاوید اختر نے کہا کہ اور کرونا کے باعث شادی کی تقریب بڑے پیمانے پر منعقد نہیں کی جائے گی تاہم شادی کے دعوت نامے اب تک تقسیم نہیں ہوئے۔انہوں نے مزید بتایا کہ خاندان میں ہر کوئی شیبانی کو پسند کرتا ہے، فرحان اور شیبانی کے درمیان بہت اچھے تعلقات ہیں۔
View this post on Instagram
بھارتی میڈیا کے مطابق فرحان اختراور شیبانی داندیکر کے درمیان قریبی دوستی کا آغا ز2018 میں ہوا تھا جس کے بعد دونوں ڈیٹ کرتے آرہے ہیں اور ایک دوسرے سے اظہار محبت بھی کرچکے ہیں۔
View this post on Instagram
دونوں اداکار انسٹاگرام پر اپنی تصاویر شیئر کرتے آئے ہیں جبکہ ایک دوسرے کو سالگرہ کی مبارکباد بھی دے چکے ہیں۔
