سمسن کے بعد فیملی گائے کی پیشگوئیاں بھی سوشل میڈیا پر وائرل
مشہور زمانہ کارٹون سمسن کے بعد فیملی گائے کی پیشگوئیاں بھی سوشل میڈیا پر وائرل ہوگئیں ۔ فیملی گائے کی 2009 میں نشر کی جانے والی قسط میں روسی صدر کی موجودہ دور کی خبروں کی پیش گوئی کی گئی تھی جس کی وڈیو سوشل میڈیا پر وائرل ہوگئی۔
روسی صدر پر الزام لگایا جا رہا ہے کہ وہ یوکرین کے ساتھ کشیدگی کم کرنے کے دعوؤں پر عملدرآمد میں ناکام رہے ہیں ۔ایسا لگتا ہے کہ فیملی گائے سیزن 8 کی قسط “Spies Reminiscent of Us” کے وائرل کلپ میں اس صورتحال کی بھرپور عکاسی کی گئی ہے۔
یہ بھی پڑھیے
جوبائیڈن نے پیوٹن کو یوکرین پر حملے کی صورت میں سخت جواب کا انتباہ دے دیا
معروف امریکی سپر ماڈل بیلا حدید بھی حجاب کے حق میں بول پڑیں
وائرل کلپ میں دکھایا گیا ہے کہ روسی صدر ملاقات کیلیے آنے والے افراد کو ہتھیار نما مختلف اشیا سے خوفزدہ کرنے کی کوشش کررہے ہیں۔ پہلے وہ اپنے کوٹ سے ایک فولڈنگ چھڑی نکالتے ہیں پھراسے ہینگر میں تبدیل کرکے اس پر اپنا کوٹ لٹکادیتے ہیں۔
Putin’s Ukraine Strategy pic.twitter.com/Uqd25hHRDc
— Mohammed Soliman (@ThisIsSoliman) February 16, 2022
اس کے بعد وہ تیر کمان (ایروگن) نکال کر ایک تیر چلاتے ہیں جو مہمانوں کو لگنے کے بجائے دیوار میں پیوست ہوجاتا ہے اور پیوٹن اس تیر پر اپنا کوٹ لٹکادیتے ہیں۔
اس کے بعد پیوٹن کلاشنکوف نکال کر ٹرگر دباتے ہیں جس میں سے گولی کے بجائے آگ نکلتی ہے جس سے وہ اپنی سگریٹ جلاتے ہیں ۔
اس کلپ کو سوشل میڈیا پر”پیوٹن کی یوکرین سے متعلق حکمت عملی “کے کیپشن کے ساتھ شیئر کیا جارہا ہے اور یہ کلپ سوشل میڈیا پر تیزی سے وائرل ہوگیا ہے۔
یاد رہے کہ روسی صدر پیوٹن نے رواں ہفتے کہا تھا کہ روس نےدونوں ملکوں میں تناؤ کا سبب بننے والے فوجی دستوں کو یوکرین کی سرحدسے واپس بلانا شروع کر دیا ہے انہوں نے مزید کہا تھا کہ وہ یورپ میں جنگ نہیں چاہتے۔
تاہم مغربی ممالک کا کہنا ہے کہ روس کے اقدامات اس کے دعوؤں کے خلاف ہیں۔ وزیر اعظم بورس جانسن کا کہنا ہے کہ صورتحال پر تازہ ترین حساس معلومات حوصلہ افزا نہیں ہیں۔
