اداکارہ کبریٰ خان کی ٹیکسی سروس ‘کریم ‘ کی خراب کارکردگی پر تنقید
کریم کی سروس ہر گزرتے وقت کےساتھ بد سے بدترین ہوتی جارہی ہےملک میں ایک نئی سروس کی ضرورت ہے
پاکستان شوبز انڈسٹری کی معروف اداکارہ کبریٰ خان نے ٹیکسی سروس "کریم” کی سفری سہولیات پر تنقید کرتے ہوئے کہا ہے کہ گزرتے وقت کے ساتھ کریم کی سروس بد سے بدتر ہوتی جارہی ہے۔
سماجی رابطوں کی ویب سائٹ ٹوئٹر پر اپنے پیغام میں کبریٰ خان نے ٹیکسی سروس ‘کریم ‘ پر تنقید کرتے ہوئے کہا ہے کہ اب ہمیں پاکستان میں کریم کار سروس کی جگہ نئی ٹیکسی سروس کی ضرورت ہے، کریم کی سروس ہر گزرتے وقت کےساتھ بد سے بدترین ہوتی جارہی ہے۔
یہ بھی پڑھیے
ڈرامہ سیریل صنف آہن کے ڈائریکٹر کا کبریٰ خان سے متعلق اہم انکشاف
ڈرامہ سنگ ماہ میں عاطف اسلم اور کبریٰ خان کی جوڑی ناظرین کو بھاگئی
Okay, we need another car service in pakistan now seriously, @careem ‘s service is getting poorer and poorer by the day. #WhatIsThisBehaviour 🤦🏻♀️
— Kubra Khan Official (@KubraMKhan) March 7, 2022
اداکارہ کی جانب سے تنقید پر کریم انتظامیہ نے اپنے ردعمل میں کہا کہ سروس میں خرابی پر معذرت خواہ ہیں ہمیں افسوس ہے کہ آپ کو پریشانی کا سامنا کرنا پڑا ہے، انتظامیہ کا کہنا تھا کہ اگر آپ اپنے رجسٹرڈ نمبر کے ساتھ ہمیں اپنے ناخوشگوار تجربے سے آگاہ کریں تو ہم کوشش کریں گے آپ کے شکایت کو جلد سے جلد دور کیا جاسکے۔
کبریٰ خان کی جانب سے کئے گئے ٹوئٹ پر ان کے مداحوں سمیت دیگر کئی سوشل میڈیا صارفین نے ان کی حمایت کی اور اپنے اپنے ناخوشگوار تجربات کو شیئر کیا، ایک صارف نے لکھا کہ کریم کی سروس اب اتنی خراب ہوچکی ہے کہ کار بُک کرنے کے بعد گھنٹوں تک کار دستیاب نہیں ہوتی۔
