نازیہ حسن کے بیٹے نے ماں کی خواہش پوری کردی
براہ کرم کوشش کریں اور انہیں جینے کے لیے تھوڑا اور وقت دیں تاکہ میں اپنے بیٹے کو بڑا ہوتا دیکھ سکو
گلوکارہ نازیہ حسن کے بھائی زوہیب حسن نے بہن کی بیٹے آریز کے ہمراہ نایاب تصویر شیئر کرتے ہوئے بتایا کہ نازیہ حسن کے بیٹے آریز نے وکیل بن کر اپنی ماں کا خواب پورا کردیا۔
زوہیب حسن نے سماجی رابطوں کی ویب سائٹ انسٹاگرام پر ایک پوسٹ شیئر کی ،پوسٹ میں شیئر کردہ تصویر کے ساتھ کیپشن میں انھوں نے لکھا کہ یہ نازیہ حسن کی اپنے نومولود بیٹے آریز کے ساتھ کراچی میں اپنی والدہ کے گھر پر انتہائی نایاب تصویر ہے۔
انہوں نے بتایا کہ ’کینسر کے علاج کے دوران نازیہ نے اپنے ڈاکٹر سے کہا کہ وہ براہ کرم کوشش کریں اور انہیں جینے کے لیے تھوڑا اور وقت دیں تاکہ میں اپنے بیٹے کو بڑا ہوتا دیکھ سکوں۔‘
یہ بھی پڑھیے
نازیہ حسن کی موت کے 21 سال بعد تنازعہ کیوں کھڑا ہوا؟
زوہیب حسن نے مرزا اشتیاق بیگ کے خلاف دعویٰ دائر کردیا
View this post on Instagram
زوہیب حسن کے مطابق خدا نے بدقسمتی سے اسے زیادہ وقت نہیں دیا لیکن اس کی خواہش کے مطابق اس کے بیٹے کو ایک خوبصورت، خیال رکھنے والا اور کامیاب فرد بنا دیا جس کی پرورش اس کی نانی، بہن زہرہ اور میں نے کی۔
انہوں نے بتایا کہ یہ نازیہ حسن کا خواب تھا کہ وہ اپنے بیٹے کو وکیل بنائے اور آج جیسے وہ چاہتی تھی ویسا ہی ہوا، اب آریز دنیا کی سب سے بڑی قانونی فرموں میں سے ایک کے لیے کام کر رہا ہے۔
