ول اسمتھ پر سیٹرڈے نائٹ لائیو شو کے دروازے تاحیات بند

ہالی ووڈ اداکار ول اسمتھ کی جانب سے رواں سال آسکر ایوارڈز کی تقریب میں کامیڈین کرس راک کو مارے گئے تھپڑ کی گونج تاحال برقرار ہے۔

امریکی  ٹی وی این بی سی نے اداکار پر اپنے مشہور زمانہ شو سیٹرڈے نائٹ لائیو  کے دروازے تاحیات بند کردیے۔

یہ بھی پڑھیے

اداکار ول اسمتھ پر آسکر ایوارڈز کے دروازے 10سال کیلیے بند

کرس راک تھپڑ نہیں بھولے، آئندہ برس آسکر کی میزبانی سے انکار

امریکی نشریاتی ادارے این بی سی نے رواں سال  آسکر ایوارڈ کی تقریب میں کامیڈین کرس راک کو تھپڑ مارنے پرہالی ووڈ سپر اسٹار پر اپنے شو سیٹرڈے نائٹ لائیو( ایس این ایل) میں شرکت پر تاحیات پابندی عائد کردی ہے۔

Here’s the moment Chris Rock made a "G.I. Jane 2” joke about Jada Pinkett Smith, prompting Will Smith to punch him and yell, "Leave my wife’s name out of your f–king mouth.” #Oscars pic.twitter.com/kHTZXI6kuL

— Variety (@Variety) March 28, 2022

واضح رہے کہ رواں سال آسکر ایوارڈ کی تقریب کی میزبانی کرنےوالے کامیڈین کرس راک نے ول اسمتھ کی اہلیہ جیڈا اسمتھ  کے گنج پن  کا مذاق اڑایا تھا جس پر انہوں نے طیش میں آکر کرس راک کو اسٹیج پر جاکر تھپڑ جڑ دیا تھا۔

بعد ازاں اسمتھ نے آسکر ایوارڈ کا انعقاد کرنے والے ادارے اکیڈمی آف موشن پکچرآرٹ اینڈ سائنسز سے استعفیٰ دیدیا تھا  جبکہ  اکیڈمی نے ول اسمتھ پر آسکر ایوارڈ میں شرکت پر 10 سال کی پابندی عائد کردی تھی۔