فرحان سعید کی ہمایوں سعیدکو انہی کے اندازمیں فلم ٹچ بٹن دیکھنے کی دعوت
اداکار فرحان سعید نے اداکار ہمایوں سعید اور اداکار شان کی سوشل میڈیا جاری تکرار سےفائدہ اٹھاتے ہوئے اداکار ہمایوں سعید کو انہی کے انداز میں اپنی نئی فلم’ٹچ بٹن ‘دیکھنے کی دعوت دے ڈالی۔
اداکار شان نے گزشتہ دنوں ایک جیسی ناموں اور موضوعات والی فلموں کو تنقید کانشانہ بناتے ہوئے ہمایوں سعید کی فلم کا حوالہ دیا تھا جس پر ہمایوں نے تحمل کا مظاہرہ کرتے ہوئےذمے دارانہ جواب دیا تھا اور شان کی فلم دیکھنے کیلیے سنیما جانے کا اعلان کیا تھا۔
یہ بھی پڑھیے
عروہ اور فرحان فلم ٹچ بٹن کے ٹریلر لانچ پر بھی کھنچے کھنچے نظر آئے
اداکار شان کے طعنے پر ہمایوں سعید کا’دانش مندانہ‘ ردعمل
اداکار شان نے رواں ماہ ریلیز ہونے والی اپنی فلم ضرار کی تشہیر کے دوران ایک انٹرو کے دوران پاکستانی فلموں کے موضوعات پر گفتگو کرتے ہوئے کہا تھاکہ” ادھر نہیں جاؤں گی، ادھر نہیں جاؤں گی سے نکلیں گے تو شاید اس طرف آئیں“۔
Idhar bhi jaonga aur udhar bhi jaonga… Aur zarrar dekhne bhi jaonga… Zarrar releasing on 25th November! All the best Shaan bhai @mshaanshahid pic.twitter.com/95A6Oe15ZV
— Humayun Saeed (@iamhumayunsaeed) November 15, 2022
اداکار ہمایوں سعید نے اپنے ٹوئٹ میں شان کی نئی فلم کے پوسٹر اور مذکورہ بیان سے متعلق خبر شیئر کرتے ہوئے لکھاکہ”اِدھر بھی جاؤں ، اُدھر بھی جاؤں گا اور ضرار دیکھنے بھی جاؤں گا،ضرار 25 نومبرکو ریلیز ہورہی ہے،اللہ بھلا کرے گا، شان بھائی! “۔
@iamhumayunsaeed chahe ider jayein ya uder jayein, #TichButton dekhne zaroor ayein , app hamari inspiration hain ❤️
Releases 25-11-22 https://t.co/nGlf9M2DZE— Farhan Saeed (@farhan_saeed) November 15, 2022
اداکار فرحان سعید نے موقع سے فائدہ اٹھاتے ہوئے ہمایوں سعید کا ٹوئٹ اس تبصرہ کے ساتھ شیئر کیا کہ” ہمایوں سعید چاہے ادھر جائیں یا ادھر جائیں، ٹچ بٹن دیکھنے ضرور آئیں،آپ ہمارے لیے قابل تقلید ہیں۔ فرحان سعید نے ہمایوں سعید کے لیے دل کا اموجی بناتے ہوئے انہیں فلم کی ریلیز کی تاریخ 25 نومبر سے بھی آگاہ کیا۔
