بھارتی فوج کو گلوان یاد دلانے پر انتہاپسندوں کی اداکارہ رچی چڈھا کو قتل کی دھمکیاں
بالی وڈ اداکارہ رچی چڈھا افواج ہندوستان کو آئینہ دکھانے پر اپنے ہی ہم وطنوں کی نفرت کا سامنا کررہی ہیں جبکہ انتہا پسندوں نے انہیں جان سے مارنے کی دھمکیاں بھی دینے شروع کردی ہیں جبکہ ان کے خلاف بغاوت کا مقدمہ بھی درج کرنے کی درخواست پولیس کو دے دی گئی ہے
بھارتی اداکارہ رچی چڈھا آزاد کشمیرکوواپس لینے کی سوکھی دھمکیوں پر اپنی ہی فوج کوآئینہ دکھانے پر انتہاپسندوں کے نشانے پر آگئیں۔ اداکارہ کو جان سے مارنے کی دھمکیاں بھی دی جارہی ہیں۔
ہندو انتہاپسندوں نے بالی وڈ اداکارہ رچی چڈھا سے فوری طور پر معافی مانگنے کا مطالبہ کیا ہے اور کہا کہ ہے معافی نہ مانگنے کی صورت میں ان کی جان کو خطرات در پیش ہوسکتے ہیں۔
یہ بھی پڑھیے
ہڈی میں ٹرانس ویمن کے ساتھ کام ناقابل یقین تجربہ رہا، نواز الدین صدیقی
فلم پروڈیوسر اشوک پنڈت نے ریاست مہاراشٹر کی پولیس کو اپیل کی کہ وہ اداکارہ کے خلاف بغاوت کا مقدمہ دائر کریں جبکہ ممبئی کے تھانے میں مقدمہ دائر کرنے کی درخواست جمع کروادی۔
بالی وڈ اداکار اکشے کمار نے بھی ریچا چڈھا کی ٹوئٹ پر اظہار برہمی کا اظہار کیا ۔ انوپم کھیر سمیت دیگر اداکار بھی رچی چڈھا پر تنقید کے نشتر چلائے اور ان سے مطالبہ کیا کہ معافی مانگیں ۔
اتنی دھمکیوں کے بعد اداکارہ نے اپنی ٹوئٹ ڈیلیٹ کرتے ہوئے معافی بھی مانگی مگر لوگوں نے انہیں سوشل میڈیا پر سخت تنقید کا نشانہ بناتے ہوئے ان پر شوبز میں پابندی لگانے کا مطالبہ بھی کیا۔
یاد رہے کہ بھارتی فوج کے ناردرن آرمی کمانڈر لیفٹننٹ جنرل اوپیندرا دیودی نے ٹوئٹ کیا کہ وزیراعظم مودی حکم دیںتو پاکستان پرحملہ کرکے کشمیر پر قبضہ کرلیں گے ۔
یہ بھی پڑھیے
لیسٹر میں ہندو مسلم بدامنی کو غیرمستند بھارتی ٹوئٹر اکاؤنٹس سے ہوا دینے کا انکشاف
بھارتی فوج کے ناردرن آرمی کمانڈر لیفٹننٹ جنرل اوپیندرا دیودی کی ٹوئٹ پر ریچا چڈھا نے 24 نومبر کو ٹوئٹ کی جس میں انہوں نے ’گلوان سلام کہ رہا ہے‘ لکھا جسے بھارتی فوج کی توہین سمجھ لیا گیا۔
واضح رہے جون 2020 میں بھارتی فوج کو چینی فوج کے ہاتھوں متنازع علاقے لداخ کے مقام ’گلوان‘ پر بری طرح شکست کا سامنا کرنا پڑا تھا۔
