طلاق کا جشن منانے کی تصاویر دوبارہ کیوں وائرل ہو رہی ہیں؟
ماہم کو طلاق کی پارٹی ان کی دوست نے دی تھی جس پر سوشل میڈیا صارفین نے ملے جلے ردعمل کا اظہار کیا ہے۔
پاکستان میں عام طور پر طلاق کے بعد فریقین کو ذہنی اور معاشرتی دباؤ کا سامنا کرنا پڑتا ہے لیکن ایک پاکستانی خاتون نے 3 سال قبل اس موقع پر کیک کاٹ کر نئی روایت ڈالی تھی۔ 2017 میں پارٹی کرنے کی یہ تصاویر خواتین کے عالمی دن کے موقعے کی مناسبت سے سوشل میڈیا پر دوبارہ شیئر کی جارہی ہیں۔ صارفین نے اس حوالے سے ملے جلے ردعمل کا اظہار کیا ہے۔
خوشی کے لمحات میں دوستوں کو پارٹی دینا اور ان کی تصاویر سوشل میڈیا پر شیئر کرنا کوئی نئی بات نہیں ہے لیکن سماجی رابطوں کی ویب سائٹ ٹوئٹر پر شیئر کردہ چند تصاویر نے صارفین کو حیران کردیا ہے۔ ان تصاویر میں خاتون اپنی ہی طلاق پر خوشی کا اظہار کرتے ہوئے کیک کاٹنے کے لیے تیار بیٹھی ہیں۔
Just saw pictures of Lady who is celebrating her Divorce..
Is it in fashion now ? pic.twitter.com/cLzrUzXhta— Khurram (@Khurram_zakir) February 26, 2021
اطلاعات کے مطابق ماہم کو یہ پارٹی ان کی دوست جویریہ نے 2017 میں دی تھی۔ لیکن اب مارچ کا مہینہ شروع ہوتے ہی ایک بار پھر یہ تصاویر منظر عام پر آئی ہیں۔ سماجی رابطوں کی ویب سائٹ فیس بک پر جویریہ نے تصاویر شیئر کرتے ہوئے بتایا کہ انہیں خوشی ہے کہ ماہم کو طلاق ہوگئی ہے۔
وائرل تصاویر پر سوشل میڈیا صارفین کا ملا جلا ردعمل دیکھنے میں آرہا ہے۔ کچھ لوگوں نے اس جشن پر حیرت کا اظہار کیا ہے تو کچھ نے کہا کہ اگر خاتون اپنی طلاق پر خوش ہیں تو اس میں کوئی مضائقہ نہیں ہے۔
Celebrating freedom is basic right of all, even it is from any disliked human or animal…..
— Ｊａｍ Ｋｈａｌｉｄ 🇵🇰 (@khalidjam) February 27, 2021
I have no problem with this. If this is making her happy then go for it girl
— Silly Pie 🧚♂️ (@sammNoor) February 27, 2021
بیشتر افراد کا خیال ہے کہ اس طرح سے طلاق کا جشن منایا جاتا رہا تو آئندہ چند برسوں میں یہ ایک فیشن بن جائے گا۔
But happy Divorce slogan tou theek nahi hai.
— 𝓕𝓪𝓲𝔃𝓪𝓷 𝓑𝓲𝓷 𝓩𝓪𝓯𝓪𝓻 🇵🇰 (@FBZafar) February 26, 2021
کچھ صارفین نے ماہم کی تصاویر پر شدید تنقید کی اور کہا کہ اس طرح طلاق کی خوشیاں منانا معاشرتی اقدار کے خلاف ہے۔
This is disgusting, ridiculous and shameful…
Absolutely against the norms of our society..
Divorced lady or man should be given due respect and treated like a normal person, it should and must not be a social stigma / taboo, but celebrating it, doesn’t make any sense 2 me🙏— Dr Ashar Bhatti (@DrAsharBhatti2) February 27, 2021
یہ بھی پڑھیے
طوبیٰ نے عامر لیاقت کی بشریٰ سے طلاق کرادی
طلاق پر خوشی کا اظہار کرنا شاید ملک میں نئی بات ہو لیکن مختلف ممالک میں شہری اکثر اپنی ناکام شادی کے ختم ہونے پر اسی طرح جشن مناتے ہیں اور سوشل میڈیا پر تصاویر بھی پوسٹ کرتے ہیں۔
کچھ عرصہ قبل ایک سعودی خاتون نے اپنی طلاق پر شادی کا لباس زیب تن کر کے ویڈیو اور تصاویر شیئر کی تھیں۔
هاشتاق مرفوع حول حفل طلاق أميرة الناصر، والتي ظهرت بإسمها هاشتاقات عديدة مؤخرًا، جميعها مرفوعة. pic.twitter.com/YJdtNdEByQ
— وش سالفة الهاشتاق؟ (@AbtTrend) January 26, 2020
امریکا میں طلاق کی پارٹیز کا انعقاد ایک عام بات ہے۔ حتیٰ کہ کچھ لوگ تو طلاق کی خوشی میں باقاعدہ ایونٹ پلاننگ بھی کراتے ہیں۔
