سعید غنی صارفین کو رمضان سیل کا پیغام بھیجنے لگے؟

وزیر تعلیم سندھ سعید غنی اور مشہور بیوٹی برانڈ سعید غنی کے درمیان تفریق کرنے میں موبائل فون صارفین الجھن کا شکار ہونے لگے ہیں۔

اگر آپ کے موبائل فون کی اسکرین پر اچانک سعید غنی کے نام سے ایک پیغام جگمگائے تو پہلا خیال آپ کے ذہن میں کیا آئے گا؟ یہی نہ کہ صوبائی وزیر تعلیم سعید غنی کا میسج آپ کو کیسے آسکتا ہے؟ لیکن ان دنوں متعدد موبائل فون صارفین کے ساتھ کچھ ایسا ہی ہورہا ہے۔

سماجی رابطوں کی ویب سائٹ ٹوئٹر پر رہنما پیپلز پارٹی مرتضیٰ وہاب کے بھائی سعد صدیقی نے ایک ٹوئٹ کیا جس میں انہوں نے اپنے موبائل فون کا اسکرین شاٹ شیئر کیا جس پر پیغام میں نمایاں طور پر سعید غنی کا نام لکھا آرہا تھا لیکن تفصیلات پڑھنے پر معلوم ہوا کہ یہ بیوٹی برانڈ سعید غنی کا اشتہاری پیغام ہے۔ ٹوئٹ پر تبصرے میں سعد صدیقی نے وزیر تعلیم سعید غنی کو مخاطب کرتے ہوئے مزاحیہ انداز میں لکھا کہ جب انہیں یہ پیغام ملا تو فوری طور پر وہ سمجھے کہ کوئی اہم کام ہے۔

@SaeedGhani1 bhai I thought koi important kaam hai when I received this message :p pic.twitter.com/BjVeEIY0jw

— Saad Siddiqui (@Saad1Siddiqui) May 5, 2021

یہ بھی پڑھیے

ماسک کا مذاق یوٹیوبرز کو ملک بدر کراسکتا ہے

ٹوئٹ پر کمنٹ میں ایک اور صارف نے بھی اپنا میسج شیئر کیا جو انہیں بیوٹی برانڈ سعید غنی کی جانب سے موصول ہوا تھا۔ صارف نے اپنا تجربہ بیان کرتے ہوئے لکھا کہ اچانک ایس ایم ایس پر پہلی مرتبہ انہیں بھی یہی گمان ہوا کہ وزیر تعلیم انہیں ذاتی طور پر پیغام کیسے بھیج سکتے ہیں۔

This has happened to me too. When I received this #SMS, I was writing something #Suddenly, leaving everything behind, I saw my mobile phone in the search of #BreakingNews qand my hopes were dashed 😋 pic.twitter.com/HNfogyoCC7

— عاطف حسین (@RePorter1979) May 5, 2021

سوشل میڈیا پر اکثرو بیشتر اس حوالے سے مزاحیہ تبصرے بھی کیے جاتے ہیں۔

Congratulations Saeed Ghani for winning PS 114. Perfume par kuch discount hojaye iss khushi mai? pic.twitter.com/Uslmw4lg9h

— Ahsan (@ahsanzawar) July 9, 2017

واضح رہے کہ متعدد سوشل میڈیا صارفین بیوٹی برانڈ سعید غنی کو صوبائی وزیر تعلیم سعید غنی کا برانڈ سمجھتے ہیں۔