آسٹریلین کرکٹ ٹیم نے اپنی ثقافت کو اجاگر کر کے دل جیت لیے

آسٹریلین کرکٹ ٹیم کے کھلاڑیوں نے انڈیا اور آسٹریلیا کے مابین کھیلے گئے پہلے ٹی ٹوئنٹی میچ میں اپنی ساٹھ ہزار سالہ قدیم ثقافت کو اجاگر کرنے والی انوکھی جرسی پہنی۔

انڈیا اور آسٹریلیا کے مابین پہلا ٹی ٹونٹی میچ 4 دسمبر کو کھیلا گیا۔ اس میچ میں میزبان ٹیم نے ایک دلچسپ جرسی پہن رکھی تھی۔ یہ جرسی اپنے ثقافتی ورثے کو خراج تحسین پیش کرتے ہوئے پیلے اور سبز رنگ کے روایتی رنگ اسکیم سے مختلف تھی۔

جرسی کو مقامی خواتین آنٹی فیونا کلارک اور کورٹنی ہیگن نے ڈیزائن کیا ہے۔

یہ بھی پڑھیے

بابراعظم کے لیے ایک اور اعزاز

اس جرسی کا ڈیزائن کافی دلچسپ ہے۔ سنہری ستارے اجداد کی نمائندگی کرتے ہیں اور اس پر سبز حلقے اتحاد اور تسلسل کی علامت ہیں۔

Mitchell Starc discusses the significance of the Indigenous shirt the men’s team will wear in the #AUSvIND T20s and Aunty Fiona Clarke explains the story behind the special design. pic.twitter.com/KS5UpRiguh

— Cricket Australia (@CricketAus) December 4, 2020

آسٹریلین کرکٹ بورڈ کے ٹوئٹر اکاؤنٹ پر شیئر کی گئی ایک ویڈیو میں فاسٹ باؤلر مچل اسٹارک نے جرسی کے ڈیزائن کو بیان کیا۔

انڈین کرکٹ ٹیم نے بھی متبادل کٹ پہننے کا فیصلہ کیا ہے۔ گہرے نیلے رنگ کے یونیفام میں سبز، سرخ اور سفید پٹیوں کو کندھوں پر اجاگر کیا گیا ہے۔

تاہم انڈین جرسی کو آسٹریلیا جیسی مقبولیت نہیں ملی کیونکہ اس میں بڑے برانڈ کا لوگو موجود تھا۔

عوام نے ملک کے ورثے کو اجاگر کرنے پر آسٹریلین کرکٹ ٹیم کی تعریف کی ہے۔

یہ بھی پڑھیے

کھلاڑی کھیل سے پہلے کرونا کا شکار، قصوروار کون؟