حجاب پہننا نارمل نہیں، پرویز ہودبھائی کے بیان سے سوشل میڈیا پر بحث
یکساں تعلیمی نصاب کے موضوع پر پروگرام میں ہود بھائی نے کہا کہ حجاب کرنے والی لڑکیوں کی کلاس میں شمولیت کم ہوتی ہے۔
پرویز ہود بھائی اپنے خیالات کا دو ٹوک اظہار کرنے کی وجہ سے مستقل تنقید کی زد میں رہتے ہیں، حال ہی میں انہوں نے ایک ٹی وی پروگرام میں بھی ایسی ہی بات کہی جس سے سوشل میڈیا پر نئی بحث چھڑ گئی ہے۔
"یکساں تعلیمی نصاب” کے موضوع پر نجی ٹی وی کی اینکرپرسن غریدہ فاروقی کے پروگرام میں پرویز ہود بھائی نے کہا کہ "برقعہ کرکے کلاس میں بیٹھنے والی خواتین کی شمولیت گھٹ جاتی ہے”۔
انہوں نے مزید کہا کہ "نارمل خواتین تو اس طرف آتی ہی نہیں، شازونادر ہی ایسا ہوتا ہے”، یہاں پرویز ہود بھائی کا اشارہ برقعے اور حجاب کی طرف تھا کہ نارمل خواتین انہیں استعمال نہیں کرتیں۔
ہود بھائی کا یہ کہنا تھا کہ سوشل میڈیا پر ایک نئی بحث چھڑ گئی جس میں مختلف شعبہ ہائے زندگی سے تعلق رکھنے والی خواتین ان پر تنقید کررہی ہیں۔
معروف صحافی عاصمہ شیرازی نے سماجی رابطے کی ویب سائٹ ٹوئیٹر پر لکھا کہ "میں نے کالج میں حجاب لینا شروع کیا اور آج تک جاری ہے، میرے اعتماد میں کوئی کمی نہیں آئی”۔
میں نے کالج کے تیسرے سال میں حجاب لینا شروع کیا اور آج تک جاری ہے۔ میڈیا میں شروع میں سختیاں بھی برداشت کیں کیونکہ میں نے پہلی بار دوپٹہ اوڑھایہاں تک کہ پی ٹی وی پر پابندی بھی جھیلی مگر کبھی بھی اعتماد میں کمی نہیں آئی ۔ https://t.co/1f1KHWkQNW
— Asma Shirazi (@asmashirazi) September 16, 2021
صارف ماریہ مالک نے لکھا کہ اسکارف پہننا یا نا پہننا بااختیار ہونے کی علامت نہیں، بغیر کسی دباؤ، مداخلت اور رائے کے اپنی مرضی سے کسی کام کو کرنا بااختیار ہونا ہے۔
Headscarf on. Is NOT empowerment.
Headscarf off. Is NOT empowerment.Empowerment is when the person has the choice to make that decision WITHOUT your influence, interference and opinion.
— Maria Malik (@maria_malikawan) September 15, 2021
ایک نجی ٹی وی کی اینکرپرسن نے پرویز ہود بھائی کو جواب دینے کیلیے اپنے پروگرام کا آغاز جھنجھناتے ہوئے بیک گراؤنڈ میوزک کے ساتھ حجاب پہن کر کیا۔
بعد ازاں وقفے پر جاتے ہوئے یہ بھی کہہ دیا کہ "وقفے سے واپس آنے کے بعد ہم نارمل طریقے سے پروگرام کریں گے”۔ خاتون اینکر نے دانستہ یا نادانستہ خود ہی پرویز ہود بھائی کے بیان کی تصدیق کردی کہ حجاب پہننا نارمل نہیں۔
یہ بھی پڑھیے
نصرت سحر عباسی حجابی کیوں ہوگئیں؟
پرویز ہود بھائی کے بیان کے بعد آج ٹوئٹر پر HijabIsObligatory ٹرینڈ کررہا ہے۔ ایک صارف نے ہود بھائی کو یاد دلایا کہ فیصل آباد میڈیکل یونیورسٹی کی ایک حجاب کرنے والی طالبہ نے 18 گولڈ میڈل حاصل کرکے ریکارڈ قائم کیا تھا۔
Bay #Hoodbhoy see the another successful girl in hijab.
"Ginte jao aur sharmatay jao” #SamaaTV #JummahMubarak #HijabIsObligatory #kirannaz #گستاخ_صحابہؓ_کیلئےقانون_بناؤ pic.twitter.com/EWN0QGL8LZ
— Rubina (@RubinaViews) September 17, 2021
