منافع زیادہ، منفی باتیں بالائے طاق، بھنگ کی پہلی قومی کاشت کی کٹائی کا آغاز

ملک میں سرکاری سطح پر بھنگ کی سرکاری اور قانونی کاشت کی پہلی فصل تیارہوگئی۔ وفاقی وزیرسائنس و ٹیکنالوجی شبلی فراز نے کٹائی کا افتتاح کیا۔

ایک ایکٹر پرلگائی گئی فصل ساڑھے تین ماہ میں تیا رہوئی۔

افتتاحی تقریب سے خطاب کرتے ہوئے وفاقی وزیر شبلی فراز کا کہنا تھا کہ بھنگ کا منافع دوسری ڈ رگز کی نسبت دس گنا ہے،منفی باتوں پر توجہ نہیں دیں گے۔ بھنگ کا اہم جز بیج ہے جس سے ادویات تیارہونگی دس گنا منافع ہونے پر منشیات میں بھنگ کے استعمال پر میں خاطر خواہ کمی آئے گی۔

یہ بھی پڑھیئے

• ممتاز صحافی ڈاکٹر زاہد حسین کا نوائے وقت انتظامیہ کو انتباہ

مریم نواز کو وزیراعظم عمران خان کے حوالے سے طنزیہ ٹوئٹ مہنگا پڑگیا

شبلی فراز کا مزید کہنا تھا کہ وزیر اعظم عمران خان کے وژن کے مطابق ملک میں زیتون کی بھی بڑے پیمانے پر پیداوار شروع ہو چکی ہے جس سے زرمبادلہ کی بچت ہوگی ۔

انہوں نے یہ بھی کہا کہ حکومت اس قسم کے پراجیکٹس کی سرپرستی کرنا چاہتی ہے۔

شبلی فراز نے یقین دلایا کہ وزیراعظم عمران خان کے زیتون مہم کی پیدواربھی جلد منظر عام پر آجائے گی اور اس کے مثبت اثرات بھی جلد نمایاں ہوں گے۔

دوسری طرف وفاقی وزیر اطلاعات ونشریات فواد چوہدری نے سماجی رابطے کی ویب سائٹ ٹوئٹر پر ٹوئٹ کرتے ہوئے لکھا کہ
میں نے یہ پراجیکٹ وزارت سائنس میں لانچ کیا تھاجو اب ایک حقیقت بن چکا ہے۔ جدید زراعت کا یہ شاہکار پاکستان کو ملٹی ملین ڈالر انڈسٹری میں قدم جمانے کا موقع دے گا۔

میڈیکل Hemp کا پراجیکٹ جو وزارت سائنس میں میں نے لانچ کیا تھا اب ایک حقیقت بن چکا ہے، جدید زراعت کا یہ شاہکار پاکستان کو ملٹی ملین ڈالر انڈسٹری میں قدم جمانے کا موقع دے گا، PCSIR اور Arid یونیورسٹی کی سائنسدان اور ماہرین کو بہت مبارک ، #Hemp pic.twitter.com/JnnaTSKExR

— Ch Fawad Hussain (@fawadchaudhry) December 24, 2021

وفاقی وزیر فواد چوہدری نے اپنے ٹوئٹ میں پی سی ایس آئی آر اور اے آر آئی ڈی یونیورسٹی کے سائنسدان اور ماہرین کو مبارکباد پیش کی۔