اقوام متحدہ، اسلاموفوبیا کیخلاف پاکستان کی پیش کردہ قرارداد منظور

وزیراعظم عمران خان نے ٹویٹ کرتے ہوئے کہا ہے کہ میں تمام امت مسلمہ کو مبارک باد دینا چاہتا ہوں کہ آج اسلاموفوبیا کی بڑھتی ہوئی لہر کے خلاف ہماری آواز سن لی گئی ہے۔

انہوں نے بتایا کہ اقوام متحدہ میں پاکستان کی طرف سے پیش کردہ ایک تاریخی قرارداد کو منظور کر لیا گیا ہے۔

Today UN has finally recognised the grave challenge confronting the world: of Islamophobia, respect for religious symbols & practices & of curtailing systematic hate speech & discrimination against Muslims. Next challenge is to ensure implementation of this landmark resolution.

— Imran Khan (@ImranKhanPTI) March 15, 2022

یہ قرارداد او آئی سی کی طرف سے پاکستان نے پیش کی تھی جس کے مطابق ہر سال 15 مارچ اسلاموفوبیا کے خلاف عالمی دن کے طور پر منایا جائے گا۔

یہ بھی پڑھیے

نیو یارک میں ’ایشینز سے نفرت بند کریں‘ ریلی

نیویارک نسلی تعصب کو بحران قرار دینے والی پہلی امریکی ریاست

وزیراعظم نے کہا کہ اقوام متحدہ نے بلآخر دنیا کو درپیش اسلاموفوبیا کے چینلج کو تسلیم کیا ہے۔

ان کا کہنا تھا کہ مسلمانوں کے خلاف امتیازی سلوک، نفرت آمیز گفتگو بڑے چینلجز ہیں۔

اگلا چینلج یہ ہے کہ اس تاریخی قرارداد پر ہر صورت عمل درآمد یقینی بنایا جائے۔