ہتک عزت کیس، ایف آئی اے نے نادیہ خان کو بری کردیا

ایف آئی اے سائبر کرائم ونگ نے شوبز شخصیت نادیہ خان کو پیپلزپارٹی کی رہنما شرمیلا فاروقی کی والدہ کا مذاق اڑانے کے معاملے سے بری کردیا۔

ایجنسی کے سائبر کرائم ونگ سندھ ریجن کے سربراہ عمران ریاض نے ٹوئٹر پر بیان جاری کیا کہ نادیہ خان کو ہتک عزت کے کیس سے بری کردیا گیا ہے۔

یہ بھی پڑھیے

نادیہ خان کو شرمیلا فاروقی کی والدہ کا مذاق اڑانا مہنگا پڑگیا

شرمیلا فاروقی بمقابلہ نادیہ خان: 50 کروڑ کے نوٹس کا تبادلہ

عمران ریاض نے اپنی ویڈیو میں کہا کہ شرمیلا فاروقی نے ہتک عزت کیس میں دعویٰ کیا تھا کہ نادٰہ خان نے ان کی والدہ کا تمسخر بنایا اور اس کی ویڈیو سوشل میڈیا پر اپلوڈ کردی۔

Host #nadiakhan has been cleared from defamatory charges levelled against her by MPA #sharmilafarooqi for defaming the mother of the Later. Making video and picture of someone and making it viral becomes crime only if the intention of making such video is to harass and disrepute pic.twitter.com/7MCMLEqPFE

— Imran Riaz (@ImmiRizz) March 14, 2022

سائبر کرائم ونگ کے سربراہ نے کہا کہ نادیہ خان نے جو ویڈیو اپ لوڈ کی اس کا مجھ سمیت میری ٹیم نے جائزہ لیا اور اس نتیجے پر پہنچے کہ اس میں ایسی کوئی بات نہیں جس پر تمسخر بنائے جانے کا شبہ ہو۔

ان کا کہنا تھا کہ جہاں تک اس بات کا تعلق ہے کہ نادیہ خان کے چہرے پر کیسے تاثرات تھے اور ان کا لہجہ طنز آمیز تھا اور قانون میں اس حوالے سے کوئی سزا نہیں ہے۔

عمران ریاض نے کہا کہ اس وجہ سے نادیہ خان کو کیس سے بری کیا جاتا ہے۔

دوسری طرف نادیہ خان نے ایف آئی اے افسر کی ویڈیو اپنے انسٹاگرام اکاؤنٹ سے شیئر کرتے ہوئے شکر ادا کیا کہ انہیں کیس سے بری کر دیا گیا۔