بہت جلد سندھ میں اساتذہ کو ڈاکٹرز جیسا بلند  مقام ملے گا، شہزاد رائے

سماجی رہنما اور گلوکار شہزاد رائے نے سندھ کے اساتذہ کامعیار زندگی بلند ہونے کی خوشخبری سنادی۔ کہتے ہیں بہت جلد سندھ میں اساتذہ کو ڈاکٹرز جیسا بلند  مقام ملے گا۔

شہزاد رائے نے سندھ ٹیچنگ لائسنس  ٹیسٹ سے متعلق خبر شیئرکرتے ہوئے سندھ حکومت کے فیصلے پر خوشی کا اظہار کیا۔

یہ بھی پڑھیے

ہائی کورٹ کا سندھ حکومت کو جے ایس ٹیچر بھرتی کرنے کا حکم

لڑکیوں کی تعلیم کا مناسب انتظام کیا جائے،مفتی تقی عثمانی کا افغان طالبان کو خط

شہزاد رائے نے اپنے ٹوئٹ میں لکھا کہ بہت جلد سندھ میں اساتذہ کو ڈاکٹرز جیسا بلند  مقام ملے گا! بی ایڈ (آنرز)  کے حامل  اساتذہ لائسنسنگ کا سخت امتحان دیں گے اور کلیئر ہونے کے بعد انہیں گریڈ 16 میں سرکاری اساتذہ کے طور پر شامل کیا جائے گا۔

(2/2)Now the pressure will be on B.Ed.programs to raise their academic quality,so their graduates have skills to pass this licensing exam. @durbeenPK is already leading the way with its outstanding B.Ed.program in Karachi!This reform is entirely owed to the vision of @sardarshah1

— Shehzad Roy (@ShehzadRoy) April 24, 2022

انہوں نے لکھا کہ  اب بی ایڈ  پروگرامز پر دباؤ  ہوگا کہ وہ اپنا تعلیمی معیار بلند کریں،تاکہ ان کے گریجویٹس  میں لائسنسنگ کا  امتحان پاس کرنے کی صلاحیتیں  پیدا ہوسکیں ۔

انہوں نے لکھا کہ دوربین پی کے  کراچی میں اپنے غیرمعمولی بی ایڈ پروگرام کے ساتھ پہلے سے ہی آگے بڑھ رہا ہے، انہوں نے صوبائی وزیرتعلیم کی تعریف کرتے ہوئے کہا کہ یہ اصلاحات مکمل طور پر سردار شاہ کے وژن کی مرہون منت ہے۔