طارق جمیل، محمد یوسف اور آفریدی کی مسجد نبوی کی بے حرمتی کی مذمت

مسجدنبویﷺ میں گزشتہ رات پیش آئے افسوسناک واقعات پر پاکستان سمیت دنیا بھر میں غم و غصہ پایا جاتا ہے۔سوشل میڈیا صارفین کے ساتھ ساتھ علمائے کرام اور معروف شخصیات بھی حرم مدنی کی پامالی کی مذمت کررہی ہیں۔

معروف مبلغ اسلام مولانا طارق جمیل ،پاکستان کرکٹ ٹیم کے سابق کپتان شاہد آفریدی اور محمد یوسف نے بھی ان واقعات پرگہرے دکھ اور افسوس کا اظہار کیا ہے۔

یہ بھی پڑھیے

پی ٹی آئی کارکن مسجد نبویﷺ کے آداب بھلابیٹھے،حکومتی وزرا کیخلاف نعرے

سعودی عرب نے ہر مشکل وقت میں پاکستان کا ساتھ دیا، وزیراعظم

مولانا طارق جمیل نے اپنے ٹوئٹ میں لکھا کہ  آج مسجد نبوی میں احتجاج کی صورت میں جو حرم شریف کی پامالی کی گئی یہ بالکل اسلام میں درست نہیں ہے، اسکی جتنی بھی مذمت کی جائے کم ہے۔

آج مسجد نبوی میں احتجاج کی صورت میں جو حرم شریف کی پامالی کی گئی یہ بالکل اسلام میں درست نہیں ہے، اسکی جتنی بھی مذمت کی جائے کم ہے۔
#توہین_مسجد_نبوی_نامنظور

— Tariq Jamil (@TariqJamilOFCL) April 28, 2022

عیسائیت چھوڑ کر حلقہ بگوش اسلام ہونے والے والے پاکستان کرکٹ ٹیم کے سابق کپتان محمد یوسف نے اپنے ٹوئٹ  میں لکھا کہ  میں نےتو کبھی مکہ مدینہ نہیں دیکھاتھا،مسلمان ہونےکے بعد پہلی دفعہ گیاتوخانہ کعبہ کودیکھ کرچیخ نکل گئی تھی۔

میں نےتو کبھی مکہ مدینہ نہیں دیکھاتھا،مسلمان ہونےکےبعدپہلی دفعہ گیاتوخانہ کعبہ کودیکھ کرچینخ نکل گئی تھی،روضہ رسول(ص)پرگیاتوآنکھوں سےآنسوجاری ہوگئےتھے۔یہ وہ جگہیں ہیں جہاں پہنچ کررونگٹےکھڑےہوجاتے،آج روضہ رسول پرجوکچھ ہواوہ دیکھ کےاےاللہ میں پوری امت کی طرف سےتجھ سےمعافی مانگتاہوں

— Mohammad Yousaf (@yousaf1788) April 28, 2022

محمد یوسف نے مزید لکھا کہ روضہ رسول ﷺپرگیاتوآنکھوں سےآنسوجاری ہوگئےتھے۔یہ وہ جگہیں ہیں جہاں پہنچ کررونگٹےکھڑےہوجاتے،آج روضہ رسول ﷺپرجوکچھ ہواوہ دیکھ کر اےاللہ! میں پوری امت کی طرف سےتجھ سےمعافی مانگتاہوں۔

یہ وہ جگہ ہے جہاں آواز بلند کرنے کی بھی ممانعت ہے مگر ہم اپنی سیاسی دشمنیاں نبھانے کے لئے حرم کی حرمت تک بھول گئے۔ریاست مدینہ کے تقدس سے بھی منکر ہو گئے۔نعرے لگانے والوں کی پہچان تو ہو جائے گی لیکن پاکستان کی شناخت کو آج ناقابل تلافی نقصان پہنچا ہے۔ pic.twitter.com/GesGxrftQE

— Shahid Afridi (@SAfridiOfficial) April 28, 2022

پاکستان کرکٹ ٹیم کے سابق کپتان شاہد آفریدی نے اپنے ٹوئٹ میں مسجد نبوی ﷺ کی تصویر شیئر کرتے ہوئے لکھا کہ  یہ وہ جگہ ہے جہاں آواز بلند کرنے کی بھی ممانعت ہے مگر ہم اپنی سیاسی دشمنیاں نبھانے کے لئے حرم کی حرمت تک بھول گئے۔ریاست مدینہ کے تقدس سے بھی منکر ہو گئے۔نعرے لگانے والوں کی پہچان تو ہو جائے گی لیکن پاکستان کی شناخت کو آج ناقابل تلافی نقصان پہنچا ہے۔