مفتاح اسماعیل ٹیکس کلیکشن میں اضافے پر ایف بی آر کے معترف
شوکت ترین کا کارکردگی میں بہتری کےباوجود چیئرمین کو ہٹانے کا شکوہ، سابقہ حکومت کی تعریف پر فواد چوہدری کا شکریہ، پی ٹی آئی کی پالیسیاں نہیں، ایف بی آر کی ٹیم اچھی ہے، وزیرخزانہ
وفاقی وزیرخزانہ مفتاح اسماعیل ٹیکس کلیکشن میں اضافے سے متعلق ایف بی آر کی کارکردگی کے گن گانے لگے۔
سابق وزیرخزانہ شوکت ترین نے ایف بی آر کی کارکردگی میں بہتری کے باوجود چیئرمین کوہٹانے کا شکوہ کیا تو فواد چوہدری نے سابق حکومت کے اقدامات کی تعریف پر مفتاح اسماعیل کا شکریہ اداکیا تاہم مفتاح اسماعیل نے ٹیکس کلیکشن میں اضافی کو پی ٹی آئی حکومت کی پالیسیز کے بجائے ایف بی آر کی ٹیم کی کاکردگی کا نتیجہ قرار دیدیا۔
یہ بھی پڑھیے
بڑے ٹیکس ریلیف کے باوجود ایف بی آر کے محاصل میں 28.6 فیصد اضافہ
اسٹاک مارکیٹ :کمپنیوں نے 9ماہ کا سب سے زیادہ822ارب روپے کا منافع کمایا
وزیرخزانہ مفتاح اسماعیل نے اپنے ٹوئٹ میں لکھا ہے کہ فیڈل بورڈ آف ریونیو( ایف بی آر)نے رواں مالی سال اپریل تک 28.7فیصداضافے کے ساتھ 51کھرب روپےسےزائدکا ٹیکس جمع کر لیا ہے جبکہ گزشتہ مالی سال اسی عرصے کے دوران 39.8کھرب روپےٹیکس جمع ہواتھا۔
مفتاح اسماعیل کے مطابق رواں مالی سال اپریل تک30.13فیصد اضافے کے ساتھ 264 ارب روپے کے ٹیکس ریفنڈ کیےگئے جبکہ گزشتہ مالی سال اسی عرصے میں 203ارب روپے کے ٹیکس ریفنڈ کیے گئے تھے۔انہوں نے لکھا کہ ایف بی آر کی ٹیم تعریف کی مستحق ہے۔
A big factor in the increase however was increased imports. For instance, sales tax at import stage grew by 58% while it declined by 2% for local goods. With the right mix of policies and tools I am sure this team will perform even better & to the expectations of the nation. 2/2
— Miftah Ismail (@MiftahIsmail) May 1, 2022
وزیرخزانہ مفتاح اسماعیل نے درآمدات میں اضافے کو ٹیکس کلیکشن میں اضافےکی بڑی وجہ قراردیتے ہوئے لکھا کہ درآمدی مرحلے پر سیلز ٹیکس میں 58 فیصد اضافہ ہوا جبکہ مقامی اشیا کے لیے اس میں 2 فیصد کی کمی واقع ہوئی۔انہوں نے اس یقین کا اظہارکیا کہ پالیسیوں اور ٹولز کے صحیح امتزاج کے ساتھ یہ ٹیم اور بھی بہتر کارکردگی کا مظاہرہ کرے گی اور قوم کی توقعات پر پورا اترے گی۔
Miftah Bhai, if FBR has done such a good job, you should not have changed its Chairman.
— Shaukat Tarin (@shaukat_tarin) May 1, 2022
وزیرخزانہ مفتاح اسماعیل کےٹوئٹ پرسابق وزیرخزانہ شوکت ترین نے ردعمل دیتے ہوئے کہا ہے کہ مفتاح بھائی! ایف بی آر نے اچھا کام کیا تو چیئرمین کو نہ ہٹاتے۔واضح رہے کہ شہبازحکومت نےآتے ہی پی ٹی آئی حکومت کے تعینات کردہ چیئرمین ایف بی آر ڈاکٹر اشفاق احمد کو ہٹاکر محمد عاصم احمد کو چیئرمین ایف بی آر تعینات کردیا تھا۔
دوسری جانب سابق وزیراطلاعات فواد چوہدری نے سابقہ حکومت کو سراہنے پر مفتاح اسماعیل کا شکریہ اداکیا اور ساتھ میں امپورٹڈ حکومت نامنظور کا ہیش ٹیگ بھی استعمال کیا۔
Just so you know Chaudary sb, tax to GDP under PTI never reached the level of 11.1% that PMLN achieved. But with PTI’s devaluation & inflation, tax collection has gone up in nominal terms. In coming months we’ll again show you how it’s done. FBR team is good. PTI policies weren’t https://t.co/8pG8sAK7tE
— Miftah Ismail (@MiftahIsmail) May 1, 2022
فواد چوہدری کے ٹوئٹ کے جواب میں مفتاح اسماعیل نے لکھا کہ چوہدری صاحب آپ جانتے ہیں کہ پی ٹی آئی کے دور میں ٹیکس ٹو جی ڈی پی کبھی بھی 11.1 فیصد کی سطح پر نہیں پہنچا جبکہ ن لیگ نے اس ہدف کو حاصل کرکے دکھایا تھا اور آئندہ مہینوں میں ہم آپ کو دوبارہ ایسا کرکے دکھائیں گے۔
انہوں نےلکھا کہ پی ٹی آئی دور میں روپے کی قدر میں کمی اور مہنگائی کے باعث ٹیکس کی وصولی میں معمولی اضافہ ہوا ہے، پی ٹی آئی کی پالیسیاں نہیں، ایف بی آر کی ٹیم اچھی ہے۔
