مونس الہٰی نے چوہدری شجاعت کو ن لیگ سے متعلق انکے خیالات یاد دلادیے

مسلم لیگ ق کے رکن قومی اسمبلی چوہدری مونس الہٰی نے   اپنی ہی جماعت کے سربراہ چوہدری شجاعت حسین کو ن لیگ سے متعلق ان کے خیالات یاد دلادیے۔

ناقدین نے مونس الہٰی کو ان کے والد چوہدری پرویزالہٰی کے حوالے سے سابق وزیراعظم عمران خان کے بیانات بھی یاد دلادیے۔

یہ بھی پڑھیے

منی لانڈرنگ کیس ، بینکنگ کورٹ سے مونس الہٰی کی عبوری ضمانت منظور

رانا ثناء اللہ کے نہلے پر چوہدری مونس کا دہلا

چوہدری مونس الہٰی نے اپنے ٹوئٹر ہینڈل پرچوہدری شجاعت کی کتاب کے اقتباسات  پر مشمتل تصویر شیئر کرتے ہوئے لکھا کہ چوہدری شجاعت حسین صاحب نے اپنی سوانح عمری”سچ تو یہ ہے“ میں شریف برادران کو”مسلسل وعدہ خلاف“،”اقتدار کے نشے میں چور“ ،”چکنی چپڑی باتیں کرنے والے“، سازشی اورمعاہدے پس پشت ڈالنے والے قرار دیا ہے۔

چوہدری شجاعت حسین صاحب نے اپنی لائف سٹوری "سچ تو یہ ہے” میں شریف برادران کو
"مسلسل وعدہ خلاف”،
"اقتدار کے نشے میں چور” ،
"چکنی چوپڑی باتیں کرنے والے”،
سازشی اور "معاہدے پس پشت ڈالنے والے”
قرار دیا ہے۔ pic.twitter.com/7Dk09NPuvw

— Moonis Elahi (@MoonisElahi6) June 26, 2022

سینئر صحافی اور اینکرپرسن حامد میر نے مونس الہٰی کے ٹوئٹ پر تبصرہ کرتے ہوئےلکھا کہ کتاب والی بات تو ٹھیک ہے لیکن چوہدری پرویز الٰہی صاحب کو پنجاب کا سب سے بڑا ڈاکو کس نے قرار دیا تھا؟

حامد میر صاحب @HamidMirPAK ، جی اُسی نے جس نے گھر پر آکر معذرت بھی کی اور آگے ساتھ چلنے کا بھی کہا۔ https://t.co/T48MbHKALJ

— Moonis Elahi (@MoonisElahi6) June 26, 2022

مونس الہٰی نے حامد میر کے چٹکلے پر ردعمل دیتے ہوئے کہا کہ حامد میر صاحب، جی اُسی نے جس نے گھر پر آکر معذرت بھی کی اور آگے ساتھ چلنے کا بھی کہا۔

یاد رہے عمران خان نے پیپلزپارٹی کے دور حکومت میں اس وقت کے حکومتی اتحادی  چوہدری پرویز الہٰی کو پنجاب کا سب سے بڑا ڈاکو قرار دیا تھا۔