بھارت نے کرسمس کے دن مدرٹریسا چیریٹی کے اثاثے منجمد کردیے
کرسمس کے دن مدرٹریسا چیریٹی کے اثاثے منجمد کرنے پر صدمہ پہنچا،22ہزار مریض اور ملازمین خوراک اور ادویہ سے محروہم ہوگئے،ممتا بینر جی
مودی سرکار نے کرسمس کے دن مدرٹریسا چیریٹی کے تمام اثاثے منجمد کردیے۔بھارتی ریاست مغربی بنگال کی وزیراعلیٰ ممتا بینرجی نے بھارتی وزارت داخلہ کی جانب سے کرسمس کے دن مدٹریسا مشنریز آف چیریٹی کے تمام بینک اکاؤنٹس منجمد کیے جانے کو افسوسناک قرار دے دیا۔
ممتا بینر جی نے اپنے ٹویٹراکاؤنٹ پر جاری بیان میں کہا کہ یہ سن کر صدمہ ہوا کہ کرسمس کے موقع پر مرکزی حکومت نے انڈیا میں مدر ٹریسا کے مشنریز آف چیریٹی کے تمام بینک اکاؤنٹس منجمد کر دیے ہیں۔
یہ بھی پڑھیے
بھارت میں مدر تھریسا چیریٹی پر جبرا” تبدیلی مذہب کے الزام کی تحقیقات کا آغاز
مودی، خرم پرویز کو چھوڑ دو، گلوکار راجر واٹرز کا بھارتی وزیراعظم کو پیغام
Shocked to hear that on Christmas, Union Ministry FROZE ALL BANK ACCOUNTS of Mother Teresa’s Missionaries of Charity in India!
Their 22,000 patients & employees have been left without food & medicines.
While the law is paramount, humanitarian efforts must not be compromised.
— Mamata Banerjee (@MamataOfficial) December 27, 2021
ممتا بینر جی نے مزید لکھا کہ مدر ٹریسا چیریٹی کے 22ہزار مریض اور ملازمین کو خوراک اور ادویات سے محروم کردیا گیا ہے،جب کہ قانون سب سے اہم ہے، انسانی ہمدردی کی کوششوں پر سمجھوتہ نہیں کیا جانا چاہیے۔
More than 1 lakh NGOs Registration has been cancelled Government & IT Department. Mother Teresa Charity may be 1 of them.
— Imran (@IamSharifImran) December 27, 2021
ممتا بینر جی کے ٹوئٹ پر صارفین نے ملے جلے ردعمل کا اظہار کیا ہے۔عمران نامی ٹوئٹر ہینڈل نے لکھا کہ بھارتی حکومت اورمحکمہ آئی ٹی نے ایک لاکھ سے زائداین جی اوز کی رجسٹریشن منسوخ کی ہے،مدر ٹریسا چیریٹی ان میں سے ایک ہوسکتی ہے۔
Stop misleading and playing politics over it. Also apologize for it
Charity itself has clarified, please find it pic.twitter.com/fsmvmx4Tzn
— Manvendra Singh (@Manva_tweets) December 27, 2021
اس حوالے سے مدرٹریسا چیریٹی کے لیٹر ہیڈ پر جاری ایک بیان میں کہا گیا ہے کہ ہم اپنے خیرخواہوں کے خدشات کو سراہتے ہوئے انہیں کرسمس اور نئے سال کی مبارکباد پیش کرتے ہیں۔
بیان میں کہا گیا ہے کہ فارن کنٹری بیوشن ریگولیشن ایکٹ کی جانب سے مشنریز آف چیریٹی کی رکنیت کبھی منسوخ یا معطل نہیں کی گئی۔ نہ ہی وزارت داخلہ نے ہمارے بینک کھاتے منجمد کرنے کی ہدایت کی ہے۔
ہم یہ واضح کرنا چاہتے ہیں کہ ہماری ایف سی آر اےرجسٹریشن کی تجدیدی درخواست تاحال منظور نہیں ہوئی ہے۔ لہٰذا کسی نقصان سے بچنے کیلیے ہم نے اپنے مراکز کو فارن کنٹری بیوشن اکاؤنٹس استعمال نہ کرنے کی ہدایت کی ہے۔تاہم سوشل میڈیا صارفین اور سماجی حلقوں کا خیال ہےکہ مشنریز آف چیریٹی نے یہ بیان حکومت کے دباؤ میں آکر جاری کیا ہے۔
There accounts have been frozen bcz they have been using this money for illegal conversion
— 🇮🇳˥ᴉHoW ∀ɹʇoHƖɐW🇮🇳 (@TrulyMM) December 27, 2021
البتہ ناقدین نے الزام عائد کیا ہے کہ چیریٹی کے نام پر جبری تبدیلی مذہب کی سرگرمیاں مدرٹریسا چیریٹی کے اثاثے منجمد کرنے کی وجہ بنی ہے۔