حبیب بینک کا سسٹم تین گھنٹے سے بند، سائبر اٹیک یا نااہلی؟
صحافیوں سمیت دیگر صارفین کو مشکلات کا سامنا، رقم نکالنے، رقم بھیجنے اور انٹرنیٹ بینکنگ کی سروسز معطل، ٹویٹس کے ذریعے ایچ بی ایل کی معذرت۔
![حبیب بینک](https://news360.tv/wp-content/uploads/2022/01/حبیب-بینک.jpg)
صحافی فصیح منگی نے ٹویٹ کی ہے کہ پاکستان کے سب سے بڑے بینک یعنی ایچ بی ایل کا پورا سسٹم پچھلے تین گھنٹوں سے بند پڑا ہے۔
انہوں نے لکھا کہ صارفین نا تو برانچ سے چیک کے ذریعے رقم نکال سکتے ہیں نا ہی رقم بھیج سکتے ہیں یا انٹرنیٹ بینکنگ کے ذریعے سسٹم چیک کرسکتے ہیں۔
We are aware of the issue and have notified our teams to look into this at the earliest. We understand the hassle you must have gone through & sincerely apologize for the inconvenience. – FA
— HBL (@HBLPak) January 4, 2022
فصیح منگی کو اس ٹویٹ کے جواب میں حبیب بینک کی جانب سے جواب دیا گیا کہ ہم اس مسئلے سے آگاہ ہیں اور اپنی ٹیمز کو اس کے حل کے لیے مامور کردیا ہے۔
یہ بھی پڑھیے
ایف بی آر کا سگریٹ کے بعد چینی پر ٹریک اینڈ ٹریس سسٹم لگانے کا فیصلہ
نیشنل بینک پر سائبر اٹیک، تمام سروسز معطل
ایک اور صحافی عمر قریشی نے انٹرنیٹ بینکنگ میں خرابی کا اسکرین شاٹ لے کر پوسٹ کیا اور ایچ بی ایل کو ٹیگ کرتے ہوئے کہا کہ آپ کی انٹرنیٹ سہولت کام نہیں کر رہی۔
WTF!!!! HBL
Your Ibanking often doesn’t work! pic.twitter.com/oB6BdnXcER
— omar r quraishi (@omar_quraishi) January 4, 2022
یاد رہے کہ حبیب بینک کو سال 2021 میں پاکستان کا بہترین بینک قرار دیا گیا تھا اور فی الوقت یہ حال ہے کہ صارفین کے مطابق پچھلے تین گھنٹوں سے اس کا سسٹم ڈاؤن ہے۔