سکھر میں نامعلوم چوروں کا راج، ایک ہی دن میں کار اور 4 موٹر سائیکلیں چوری
شہر میں چوری کی بڑھتی ہوئی وارداتوں پر شہری و سماجی حلقوں نے بالا حکام سے نوٹس لیکر شہریوں کے جان ومال کے تحفظ کو یقینی بنانے کا مطالبہ کیا ہے۔
سکھر پولیس کے کپتان کو نامعلوم چوروں کا کھلا چیلنچ ، ایک ہی دن میں کار سمیت چار موٹر سائیکلیں چوری، شہریوں میں خوف کی فضاء، سکھر پولیس کارکردگی سوالیہ نشان بن گئی، سماجی حلقوں نے حکام بالا سے نوٹس لینے کا مطالبہ کردیا۔
تفصیلات کے مطابق سکھر میں تعینات ہونے والے ایس ایس پی سنگھار ملک کا جرائم پیشہ افراد کے خاتمے کے اعلان کے بعد جہاں سکھر شہر میں پولیس گشت میں اضافہ ہوا ہے وہی موٹر سائیکل ،کار ،ڈکیتی و رہزنی کی واردتیں بھی عام ہوگئی ہیں۔
یہ بھی پڑھیے
اے این ایف کی کراچی بندرگاہ پر کارروائی، ہیروئن اسمگلنگ کی کوشش ناکام
کراچی: بینکس اور مارکیٹس سے نکلنے والوں سے ڈکیتیاں معمول بن گئیں
سکھر پولیس کے کپتان کو نامعلوم چوروں نے کھلا چیلنچ دیتے ہوئے ایک ہی دن میں کار سمیت چار موٹر سائیکلیں چوری کرکے سکھر پولیس کی کارکردگی پر سوالیہ نشان لگا دیا ہے۔
سکھر کے تھانہ بی سیکشن کی حدود فیریئر روڑ سکھر سے بنام علی شیر مغل ولد محمد عثمان مغل کے گھر کے باہر سے اسکی ھنڈا سی ٹی کار نمبر AJE.749 ماڈل 2005 رنگ گرے، سکھر کے تھانہ اے سیکشن کی حدود عباسی ملک شاپ شیخ شین روڑ سکھر سے ملک شاپ کے مالک حاجی بدر عباسی کی دوکان کے قریب سے نامعلوم سوا لاکھ روپے مالیت کی ہنڈا 125 بلیک کلر کی موٹر سائیکل نمبر SMU.6828 ماڈل 2021 لے کر فرار ہوگئے۔
سکھر کے تھانہ اے سیکشن کی حدود عباسی ملک شاپ مدینہ مارکیٹ بیراج روڑ سکھر سے ملک شاپ کے مالک ظھیر عباسی کی دوکان کے قریب سے نامعلوم سوا لاکھ روپے مالیت کی ہنڈا 125 بلیک کلر کی موٹر سائیکل نمبر SMU.6828 ماڈل 2021 ،سکھر کے تھانہ بی سیکشن کی حدود بولان آٹوز حسینی روڑ سکھر کے باہر سے بنام دیپک کمار سکنہ اقصیٰ ٹاور سکھر کی ھنڈا CD موٹر سائیکل نمبر AFR ماڈل 2022 رنگ لال نامعلوم چور چوری کرکے فرار ہوگئے۔
چوری کی بڑھتی ہوئی وارداتوں کی وجہ سے شہریوں میں خوف کی فضاء پھیل گئی ہے سکھر کے شہری و سماجی حلقوں نے بالا حکام سے نوٹس لیکر شہریوں کے جان ومال کے تحفظ کو یقینی بنانے کا مطالبہ کیا ہے۔
