ایلون مسک کا ٹوئٹر کی خریداری کا منصوبہ عارضی طور پر روکنے کا اعلان

ایلون مسک نے ٹوئٹر انکارپوریشن کی خریداری کے منصوبے پر عملدرآمد عارضی طور پر روکنے کا اعلان کردیا۔

ایلون مسک  نے  سوشل میڈیا نیٹ ورک میں جعلی اکاؤنٹس کے حوالے سے امریکی خبررساں ادارے رائٹرز کی ایک رپورٹ کو اپنے فیصلے کی وجہ قراردیا ہے ۔

یہ بھی پڑھیے

ایلون مسک نے امریکی صدر  کی غلط فہمی دور کردی

ایلون مسک ٹوئٹر خریدنے کے بعد امریکی اداروں کے ریڈار پر آگئے

رپورٹ کے مطابق  ٹوئٹر کے مجموعی صارفین کی تعداد 22 کروڑ 90 لاکھ ہے اور کمپنی کی جانب سے مئی کے آغاز میں تخمینہ لگایا گیا تھا کہ اس کے 5 فیصد سے کچھ کم اکاؤنٹس جعلی یا اسپام ہیں۔

Twitter deal temporarily on hold pending details supporting calculation that spam/fake accounts do indeed represent less than 5% of usershttps://t.co/Y2t0QMuuyn

— Elon Musk (@elonmusk) May 13, 2022

ایلون مسک نے رواں ماہ کے آغاز میں جاری کردہ رپورٹ کو شیئر کرتے ہوئے اپنے ٹوئٹ میں لکھا ہے کہ اس بات کی تصدیق ہونی چاہیے کہ واقعی ٹوئٹر میں جعلی اور اسپام اکاؤنٹس کی تعداد مجموعی تعداد کے 5 فیصد سے کم ہے۔