اسرائیلی پولیس کا خاتون فلسطینی صحافی کے جنازے کے شرکاپر حملہ
اسرائیلی پولیس کے تشدد کے باعث ابوعاقلہ کی میت شرکا کے ہاتھوں سے چھوٹ گئی،زمین پر گرنے سے بچالیا گیا،امریکی وزیرخارجہ نے واقعے کو پریشان کن قرار دیدیا
اسرائیلی حکومت نے سفاکیت کی انتہاکردی، صہیونی پولیس نے مقبوضہ بیت المقدس کے مغربی کنارے پر صہیونی فوج کی فائرنگ سے3روز قبل ہلاک ہونے والی عرب ٹی وی چینل الجزیرہ سے تعلق رکھنے والی خاتون فلسطینی صحافی شیریں ابوعاقلہ کے جنازے پر حملہ کردیا۔
امریکی وزیرخارجہ انتھونی بلنکن نے خاتون صحافی کے جنازے کے شرکا پر اسرائیلی پولیس کے حملے کی مذمت کردی۔
یہ بھی پڑھیے
صہیونی فوج کی فائرنگ سے خاتون فلسطینی صحافی ہلاک
سری لنکا، احتجاجی مظاہروں میں 7 شہری ہلاک، فوج کو خصوصی اختیارات تفویض
غیرملکی خبررساں ادارے کے مطابق اسرائیلی پولیس نے خاتون صحافی کا جسد خاکی اٹھائے نوجوانوں پر لاٹھی چارج کردیا، خاتون صحافی کی میت شرکا کے ہاتھوں سے چھوٹ گئی تاہم اسے زمین پر گرنے سے بچالیاگیا۔
The closest video of the #Israeli police suppressing the funeral procession of Shireen Abu Aqleh as the coffin was leaving the French hospital towards the cemetery pic.twitter.com/TaOsvCUUCd
— Rushdi Abualouf (@Rushdibbc) May 13, 2022
نیویارک ٹائمز کے مطابق گزشتہ روز شیریں ابو عاقلہ کی میت مقبوضہ بیت القدس کےمشرقی علاقے میں واقع سینٹ جوزف اسپتال سے برآمد ہوئی توجلوس جنازہ شرکا نے ان کا جسد خاکی میت گاڑی کے بجائے کاندھوں پرچرچ لے جانے پر اصرار کیا اور فلسطینی پرچم لہرا کر صہیونی حکومت کیخلاف نعرے لگائے جس پر اسرائیلی پولیس نے شرکا پر لاٹھی چارج کردیا۔
اسرائیلی پولیس کے حملے کے نتیجے میں ابو عاقلہ کا جسد خاکی اٹھائے نوجوانوں کے قدم لڑکھڑا گئے اور تابوت ہاتھوں سے چھوٹ گیا تاہم اسے زمین پر گرنے سے بچالیا گیا۔بعد ازاں ہزاروں افراد غم و غصے کا اظہار کرتے ہوئے ابوعاقلہ کی میت لے گئے۔
خاتون صحافی کے جلوس جنازہ پر اسرائیلی دہشت گردی کیخلاف دنیا بھر میں مذمت کا سلسلہ جاری ہے۔امریکی وزیرخارجہ انتھونی بلنکن نے بھی واقعے کو پریشان کن قرار دیا ہے۔
We were deeply troubled by the images of Israeli police intruding into the funeral procession of Palestinian American Shireen Abu Akleh. Every family deserves to lay their loved ones to rest in a dignified and unimpeded manner.
— Secretary Antony Blinken (@SecBlinken) May 13, 2022
انتھونی بلنکن نے اپنے ٹوئٹ میں لکھا کہ ہمیں فلسطینی امریکی شیریں ابو عاقلہ کے جلوس جنازہ میں اسرائیلی پولیس کی مداخلت کی تصاویر سے شدید پریشانی ہوئی ہے۔ ہر خاندان اپنے پیاروں کو باوقار اور بلا روک ٹوک سپرد خاک کرنے کا مستحق ہے۔
