بلوچستان پر آسیب کا سایہ، لاپتہ ہونے والے اراکین اسمبلی کا ویڈیو بیان جاری

بلوچستان عوامی پارٹی کے قائم مقام صدر اور ایم پی اے ظہور بلیدی نے ٹوئٹر پر اپنی پارٹی کے چار رہنماؤں کی ویڈیو شیئر کی ہے جن کے بارے میں گزشتہ روز یہ کہا گیا تھا کہ وہ لاپتہ ہوگئے ہیں۔

I warmly welcome back my colleagues who have stood with us and will remain stand till the end InshaAllah. pic.twitter.com/RTOotlz0Eb

— Zahoor Buledi (@ZahoorBuledi) October 22, 2021

بلوچستان اسمبلی کے آٹھ اراکین نے آئی جی اور چیف جسٹس بلوچستان ہائیکورٹ کو اپنے دستخط کے ساتھ درخواست لکھی تھی کہ وزیراعلیٰ جام کمال خان نے تحریک عدم اعتماد پیش کرنے پر چار ایم پی ایز کو گرفتار کروا دیا ہے۔

یہ بھی پڑھیے

جیو نیوز کےنامہ نگار علی عمران سید لاپتہ

افغان سفیر کی بیٹی کا مبینہ اغواء، ملک دشمنوں کی سازش

ظہور بلیدی نے ٹوئٹر پر لکھا کہ لاپتہ اراکین اسمبلی کی بحفاظت بازیابی کے لیے چیف جسٹس بلوچستان ہائیکورٹ اور آئی جی بلوچستان کو مشترکہ درخواست دی گئی ہے۔

لاپتہ اراکین اسمبلی کی بحفاظت بازیابی کے لیے چیف جسٹس بلوچستان ہائی کورٹ اور آئی جی بلوچستان پولیس کو مشترکہ درخواست۔ pic.twitter.com/plfBpOC4za

— Zahoor Buledi (@ZahoorBuledi) October 22, 2021

مبینہ طور پر لاپتہ ہونے والے اراکین اسمبلی میں اکبر آسکانی، بشریٰ رند، لیلیٰ ترین اور ماہ جبین شیران شامل تھیں جنہوں نے کل ویڈیو بیان میں کہا کہ ان کے میڈیکل ٹیسٹ تھے اور کچھ نجی مصروفیات تھیں جس کے سبب وہ اسلام آباد میں تھے اور اب کوئٹہ واپس جائیں گے۔

سیاسی تجزیہ کاروں کا کہنا ہے کہ بلوچستان میں "لاپتہ” ہونے کی اصطلاح اس شد و مد کے ساتھ استعمال کی جاتی ہے کہ اب اراکین اسمبلی اپنے نجی دورے اور میڈیکل معائنے کے لیے جائیں تو انہیں "لاپتہ” قرار دے دیا جاتا ہے۔

بلوچستان کے رہنماؤں کو سوچنا ہوگا کہ ان کے غیرذمہ دارانہ بیانات سے قومی اداروں کے تشخص پر سوال اٹھتے ہیں لہذا پوری تحقیق کرنے کے بعد بات کی جائے۔