اے ڈی بی نے ایشیائی ممالک میں معاشی ترقی متعلق خطرے کی گھنٹی بجا دی

ایشائی ترقیاتی بینک (اے ڈی بی) نے سال 2022 میں ایشیا کی معاشی ترقی میں کمی کا امکان ‏ظاہرکیا ہے۔ کورونا کےبڑھتے کیسزکی وجہ سے معاشی ‏نمو متاثر ہو سکتی ہے۔ ایشیائی ترقیاتی بنک خطرے کی ایک اور گھنٹی بجا دی ہے جبکہ بینک نے صوبہ پنجاب کے لیے 20 کروڑ ڈالر قرض ‏کی منظوری بھی دے دی ہے۔

ایشیائی ترقیاتی بینک (اے ڈی بی) نے 2021 کی رپورٹ جاری کردی ہے جس میں معاشی ترقی میں کمی کا خطرہ ظاہر کیا گیا ہے۔

اے ڈی بی کے مطابق سال ‏‏2022 میں ایشیا کی معاشی ترقی میں کمی کا امکان ہے۔ سال 2022 میں ایشیا کی معاشی ‏شرح نمو  5.3 فی صد رہنے کی توقع ہے۔

یہ بھی پڑھیے

وزارت خزانہ کا ایس ایم ای بینک کی نج کاری منسوخ کرنے کا فیصلہ

اسٹیٹ بینک نے آسان موبائل اکاؤنٹ اسکیم متعارف کروا دی

اے ڈی بی رپورٹ کےمطابق سال 2021 میں ‏ایشیا کی معاشی شرح نمو 7 فیصد تھی۔ ایشیائی ترقیاتی بینک رپورٹ کےمطابق کورونا کے بڑھنے کی وجہ سے معاشی شرح نمو ‏متاثر ہوسکتی ہے۔

اکتوبر کی نسبت نومبر میں کورونا کیسز میں اضافہ ہوا۔ ایشیا میں ‏ویکسین شدہ افراد کا تناسب 48.7 فیصد ، امریکا میں 58.1 فیصد ، یورپ میں 67.2 ‏فیصد جبکہ سنگاپور میں ویکسین شدہ افراد کا تناسب 91.9 فیصد ہے۔

ایشیائی ترقیاتی بنک نے صوبہ پنجاب کیلئے 20 کروڑ ڈالر قرض کی منظوری دے دی۔ ‏قرض کی رقم پنجاب میں ایریگیشن سسٹم میں بہتری کیلئے فراہم کی جائے گی۔۔ رقم زرعی ‏پیداوار اورغذائی تحفظ کے لیے استعمال کی جائے گی۔

اے ڈی بی کے ترجمان کے مطابق رقم کی ‏فراہمی سے 7 لاکھ 4 ہزار ایکٹر رقبے کو پانی کی فراہمی ممکن ہو سکے گی۔ بھکر، جھنگ، ‏خوشاب، لیہ اور مظفرگڑھ میں زرعی اراضی کو پانی ملے گا۔