پاکستان میں 3 دن کے دوران کرونا سے 300 سے زیادہ اموات

پاکستان میں کرونا کی وباء کے باعث گذشتہ 3 دن میں 300 سے زیادہ اموات ہوگئی ہیں۔ کرونا کی وباء کے تیزی سے پھیلاؤ کے باوجود عوام کو ویکسین کے حصول میں شدید پریشانی کا سامنا ہے۔

محکمہ صحت کے مطابق گذشتہ 3 دن میں پاکستان بھر میں کرونا کی وباء کے باعث 300 سے زیادہ اموات ہوئی ہیں۔ گذشتہ 24 گھنٹوں کے دوران ملک بھر سے کرونا سے متاثرہ مزید 98 مریض انتقال کر گئے ہیں۔ اس دوران 5 ہزار 329 افراد میں وباء کی تصدیق ہوئی ہے جس کے بعد کرونا کے مجموعی طور پر فعال کیسز کی تعداد 66 ہزار 994 ہوگئی ہے۔

یہ بھی پڑھیے

پاکستان میں کرونا ویکسین کی بلیک مارکیٹ کا انکشاف

کرونا کی وباء سے متعلق اعداد و شمار بتانے والی سرکاری پورٹل کے مطابق پاکستان میں گذشتہ 24 گھنٹوں کے دوران وباء کے مثبت کیسز کی شرح 10.6 رہی ہے۔

Pakistan: Daily update on #coronavirus cases

•49,816 tests conducted in the last 24 hours
•5,329 people tested #COVID19 positive
•Positivity Ratio is 10.7%
•Number of deaths is 98 pic.twitter.com/rYcyBrpAMV

— Ministry of National Health Services, Pakistan (@nhsrcofficial) April 8, 2021

منگل کے روز ملک بھر میں کرونا کی وباء کے باعث 102 افراد انتقال کر گئے تھے۔ اس کے علاوہ 4 ہزار 4 افراد میں وباء کی تصدیق ہوئی تھی جس کے بعد کرونا کے فعال کیسز کی تعداد 64 ہزار 373 ہوگئی تھی۔

Pakistan: Daily update on #coronavirus cases

•41,699 tests conducted in the last 24 hours
•4,004 people tested #COVID19 positive
•Positivity Ratio is 9.6%
•Number of deaths is 102 pic.twitter.com/an8XbRkX6B

— Ministry of National Health Services, Pakistan (@nhsrcofficial) April 7, 2021

جبکہ پیر کے روز پاکستان بھر میں کرونا کی وباء سے متاثرہ 103 مریض انتقال کر گئے تھے۔ اس دوران 3 ہزار 953 افراد میں وباء کی تصدیق ہوئی تھی جس کے بعد کرونا کے فعال کیسز کی تعداد 63 ہزار 102 ہوگئی تھی۔

Pakistan: Daily update on #coronavirus cases

•46,665 tests conducted in the last 24 hours
•3,953 people tested #COVID19 positive
•Positivity Ratio is 8.4%
•Number of deaths is 103 pic.twitter.com/8V3GGDp7dd

— Ministry of National Health Services, Pakistan (@nhsrcofficial) April 6, 2021

ان اعداد و شمار کو دیکھا جائے تو گذشتہ 72 گھنٹوں یعنی 3 دن کے دوران کرونا کی وباء نے 303 افراد کی جان لے لی ہے۔ اس کے علاوہ کیسز کی تعداد بھی دن بہ دن بڑھتی جارہی ہے اور گذشتہ 3 روز کے دوران 13 ہزار 286 افراد میں وباء کی تصدیق ہوئی ہے۔

ایک طرف جہاں کرونا کی وباء تیزی سے پھیل رہی ہے وہیں دوسری جانب اس وباء سے بچاؤ ویکسین کا حصول عوام کے لیے مشکل سے مشکل تر ہوتا جارہا ہے۔ عوام کی بڑی تعداد زیادہ قیمت ہونے کی وجہ سے ویکسین خریدنے کی استطاعت نہیں رکھتی۔ جبکہ گذشتہ دنوں پاکستان میں کرونا سے بچاؤ کی ویکسین کی بلیک مارکیٹ کا انکشاف ہوا تھا۔