چین میں بچوں کا آن لائن گیمنگ وقت محدود

چین  میں آن لائن گیمنگ کے  حوالے  سے بچوں کے لیے وقت محدود کردیا  گیا  ہے۔  بچے  ہفتے  میں  3 دن  صرف  3 گھنٹے  ہی  آن لائن گیمنگ  کے  مزے  لے  سکیں  گے۔

عالمی  سطح  پر  گیمنگ  انڈسٹری  کے  بڑھتے  رجحان کے  باعث بچوں  کی  گیمز  میں  دلچسپی  بھی  بڑھتی  جارہی  ہے۔  یہی  وجہ  ہے  کہ  بچے  زیادہ  سے  زیادہ  وقت  اسکرین  پر  گیمز  کھیلتے  ہوئے  گزار  دیتے  ہیں  جوکہ  ٹھیک  نہیں  ہے۔ اسی  لیے چین  نے  بچوں کے لیے آن لائن گیمنگ کے  حوالے  سے  وقت محدود کردیا  گیا  ہے۔

چین کی نیشنل پریس اینڈ پبلیکیشن ایڈمنسٹریشن نے ایک نوٹس جاری کیا ہے جس میں کمپنیوں کو گیمنگ کا وقت ہفتے میں 3 گھنٹے تک محدود کرنے کا  حکم  دیا  گیا  ہے۔ اب  چین  میں  بچوں کو جمعہ ، ہفتہ اور اتوار کی رات 8 بجے سے 9 بجے تک آن لائن گیمز تک رسائی حاصل ہوگی۔ یہ فیصلہ بچوں کی ذہنی اور جسمانی صحت دونوں کو مدنظر رکھتے ہوئے کیا گیا ہے۔

یہ  بھی  پڑھیے

سابق افغان وزیر احمد شاہ دیارِ غیر میں پیزا ڈلیوری بوائے بن گئے

اس  اقدام  کی  اہم  وجہ  یہ  تھی  کہ  آن لائن گیمنگ  کے اسکرین  ٹائم میں دن بہ دن اضافہ کے ساتھ بچوں کی  نظریں  کمزور  ہونے  کی  شکایات بڑھتی  جارہی  تھیں۔ نئی پابندیوں کے ساتھ بچوں  کو نہ  صرف اپنے  اصل  نام  کے  اکاؤنٹ سے لاگ  ان  کرنا پڑے  گا بلکہ  انہیں  شناختی  تصدیق  کے  نظام  سے  بھی  گزرنا  ہوگا۔

دوسری  جانب  بالغوں پر آن  لائن  گیمنگ کے  اوقات  کار  کے  حوالے  سے  کوئی پابندی  نہیں  ہے۔