احمد شاہ رات گئے ٹی وی پر ہوتے ہیں، اسکول کیسے جاتے ہیں؟

تین برس قبل سنہ 2018 میں ایک اسکول ٹیچر کی جانب سے بنائی گئی ویڈیو کلپ وائرل ہونے کے بعد احمد شاہ نامی بچہ ملک بھر میں اپنے انداز کی وجہ سے مشہور ہوگیا۔

احمد شاہ کو اے آر وائی ٹی وی کے پروگرام گڈ مارننگ پاکستان میں میزبان ندا یاسر نے پہلی مرتبہ مدعو کیا جس کے بعد وہ کئی ٹرانسمیشنز میں مستقل ٹی وی کا حصہ بن گیا۔

یہ بھی پڑھیے

سابق افغان وزیر احمد شاہ دیارِ غیر میں پیزا ڈلیوری بوائے بن گئے

مارننگ شوز کے بے تکے موضوعات پر ندا یاسر تنقید کی زد میں

یہ درست ہے کہ احمد شاہ کو اتنی سی عمر میں بےپناہ مقبولیت مل گئی ہے جو کہ بڑے بڑے فلمی ستاروں کے حصے میں بھی نہیں آتی لیکن قابل غور بات ہے کہ کیا اس بچے کو زندگی کی دیگر جہتوں سے روشناس بھی کروایا جا رہا ہے یا نہیں؟

اے آر وائی انتظامیہ ہر انٹرٹینمنٹ پروگرام میں احمد شاہ کو شوپیس بنا کر بٹھا دیتی ہے، اینکرپرسن اور مہمان اس سے چٹخارے لینے کے لیے باتیں کرتے ہیں، اس سب میں کہیں اس بچے کی غلط تربیت تو نہیں ہو رہی؟

یہی سوال ایک بزنس جرنلسٹ اریبہ شاہد نے اپنی ٹویٹ میں اٹھایا ہے۔ انہوں نے لکھا کہ اس بچے کو روزانہ آدھی رات تک ٹی وی پروگرام میں بیٹھنے کی اجازت کس نے دی ہے؟ کیا اسے اسکول نہیں جانا ہوتا؟

Why is this kid allowed to be on a tv show until midnight every night? Doesnt he have school?
I dont get why hes made to sit with a group of adults instead of letting or encouraging him to do things kids his age do

Is this the level of entertainment in our country? Disappointing pic.twitter.com/bVUbeJFGKL

— Ariba Shahid (Taylor’s Version) (@AribaShahid) November 11, 2021

اریبہ نے مزید لکھا کہ مجھے سمجھ نہیں آتا کہ اس بچے کو بڑوں کے درمیان کیوں بٹھایا جاتا ہے بجائے اس کے کہ اسے وہ کام کرنے کے لیے اکسایا جائے جو کہ اس کی عمر کے بچے کرتے ہیں؟

کیا ہمارے ملک میں انٹرٹینمنٹ کا یہی معیار رہ گیا ہے؟

اریبہ کے اٹھائے گئے سوالات بہت اہم ہیں۔ صرف احمد شاہ نہیں، دوسرے جتنے سلیبرٹی بچے ہیں ان سب کو ہی مناسب تعلیم اور تربیت کی ضرورت ہے۔

یہ کام ان ٹی وی چینلز کی ذمہ داری ہے جو کہ گھنٹوں اپنے پروگرامز میں احمد شاہ کو بٹھاتے ہیں۔