دنیا کے بہترین کرکٹر پاکستان میں ہیں،مجھے ان پر فخر ہے، عاصم اظہر

پاکستان سپر لیگ پی ایس ایل آج سے کراچی میں شروع ہونے والا ہے، شائقین کرکٹ کے ساتھ فنکار بھی   پی ایس ایل دیکھنے کیلئے پُرجوش ہیں، گلوکار عاصم اظہر نےبھی اس حوالے سے اپنے جوش کا اظہار کرتے ہوئے  کچھ تفصیلات اپنے مداحوں کے ساتھ شیئر کرتے ہوئے کہا ہے کہ مجھے فخر ہے کہ میں پاکستانی ہوں۔

سماجی رابطوں کی ویب سائٹ ٹوئٹر پر اپنے پیغام میں پاکستان میوزک انڈسٹری کے معروف گلوکار عاصم اظہر  نے  نام لئے بغیر لکھا ہے کہ ٹی ٹوئٹی  کے پہلے اور دوسرے بلے باز، ایک روزہ کرکٹ  کے بہترین بلےباز، ٹی ٹوئنٹی کی ٹیم آف دی ایئر کاکپتان ، ٹی ٹوئنٹی کا پلیئر آف دی ایئر ، ون ڈے انٹر نیشنل کا پلیئر آف دی ایئر، ون ڈے انٹر نیشنل کی ٹیم آف دی ایئر کا کپتان  اور انٹر نیشنل کرکٹ کونسل کے کرکٹر آف دی ایئران سب کا تعلق پاکستان سے ہے اور یہ سب آپ کو پاکستان سپر لیگ  میں کھیلتے ہوئے نظر آئیں گے۔

یہ بھی پڑھیے

گلوکار عاصم اظہر اپنی دوست میرب علی کے ساتھ میچ دیکھنے نیشنل اسٹیڈیم پہنچ گئے

گلوکار عاصم اظہر نے اپنی پہلی البم کے پہلے گانے کا ٹیزر جاری کردیا

I’m so proud of Pakistan Cricket & PSL.

#1 T20 batsman
#2 T20 batsman
#1 ODI batsman
ICC T20 Player of the year
ICC T20 Team of the year captain
ICC ODI Player of the year
ICC ODI Team of the year captain
ICC Cricketer of the year

Ye sab kaha mile gay? Only PSL. 🇵🇰💚 #LevelHai

— Asim Azhar (@AsimAzharr) January 26, 2022

انٹر نیشنل کرکٹ کونسل آئی سی سی   کی جانب سے  پاکستانی فاسٹ بولر شاہین شاہ آفریدی کو سر گیری سوبرز ٹرافی سے نوازا گیا  اور اس کے ساتھ ہی  انہیں گذشتہ سال  2021 میں آئی سی سی مینز کرکٹر آف دی ایئر  کا ایوارڈ بھ ی دیا گیا، پاکستان کی جانب سے ٹاپ آرڈر بلے باز کپتان بابر اعظم اور فخر زمان کو ون ڈے ٹیم   میں شامل کیا گیا ، کپتان بابر اعظم   آئی سی سی کی ٹیم آف دی ایئر کے کپتان مقرر کیئے گئے  ، پاکستان کے وکٹ کیپر اور  اوپنر بلے باز محمد رضوان  کو کرکٹر آف دی ایئر قرار دیا گیا  اس کے ساتھ ہی کپتان بابر اعظم کو سال کا بہترین کپتان بھی قرار دیا گیا ہے۔

واضح  رہے کہ گلوکار عاصم اظہرنے سنہ 2013 میں اپنے موسیقی کے سفر کا آغاز کیا تھا لیکن انہیں شہرت 2016 میں کوک اسٹوڈیو سیزن 9 سے ملی ۔